Обидувајќи се да се солидаризирате со колегите всушност се заразувате од нивниот стрес.
Резултатите од едно неодамнешно британско истражување покажале дека стресот може да биде еднакво заразен како и грипот или настинката или со други зборови нервозата околу проблемите можете да ги префрлите на луѓето во вашата непосредна близина.
Доколку на работното место седите покрај колега или колешка кој/а е под стрес вие нема да бидете само нема публика на неговите/нејзините жалби, туку ќе бидете првата мета за „стрес од втора рака".
Професорката по психологија Elejn Hetfild вели дека пасивниот или „користениот" стрес лесно може да се прошири на останатите колеги на работното место.
„Ние исто така можеме да бидеме заразени со туѓите жалења за проблемите, депресијата или стресот. Без оглед на тоа што другите луѓе чувствуваат и ние ќе го чувствуваме тоа на ист начин", вели таа.
Нејзиното истражување покажало дека доколку сме во непосредна близина на такви личности, нивните емоции ги впиваме како сунѓер - нешто што се нарекува „емоционален вирус".
На почетокот ги слушаме колегите и се обидуваме да се солидаризираме со нив, но после слушателската, добиваме улога на „пациент", односно личност која е зафатена од вистинско чувство на стрес.
NotForMen препорака: Работниот стрес фактор за срцев удар
„Ако вашите колеги се склони кон тоа постојано да се жалат излезете од канцеларија или кажете нешто позитивно околу целата ситуација. Често работите и не се толку лоши како што изгледаат на прв поглед", вели Andrew Parker психијатар - консултант во болница во Лондон во која поради се позачестената појава на стрес меѓу работната популација е отворено посебно одделение за стрес и пост-трауматско пореметување.
-
Најголеми разлики во цените меѓу аеродромите постојат кај козметиката, алкохолот и цигарите. ... -
Жената во просек се смее 62 пати дневно, додека мажите по осум пати на ден. ... -
Во зима 82% од жените имаат проблеми со темни подочници. ...
