NotForMen

На People's Choice Awards фановите ги избираат победниците.

Првиот настан на црвениот тепих оваа година не не разочара. Имаше толку многу прекрасни тоалети (Vanessa Hudgens, Lea Michele, па дури и Miley Cyrus), но и некои не толку прекрасни (Demi Lovato, Ginnifer Goodwin и Аshley Greene).

На People's Choice Awards фановите ги избираат победниците. Emma Stone беше изгласана за омилена филмска актерка, Demi Lovato за омилен поп артист, а Adam Sandler за омилен комедијант.

NotForMen препорака: New Year's Eve премиера: Раскошни тоалети зачинети со флерт

Но да погледнеме како изгледаше настанот од моден аспект:

Кога ќе чуете Elie Saab, веднаш ви доаѓа на ум шифон и сјајни тоалети, па затоа ќе се изненадите бидејќи Nina Dobrev овој пат носеше еден класичен романтичен фустан. Сладок и со тренди зелена боја, но сепак повеќе ја сакаме Nina гламурозна.

Фустанот на Miley Cyrus за People's Choice беше навистина пријатно изненадување. Очекувавме драматичност од Roberto Cavalli или хипи-гламур на црвениот тепих, но овој пат таа ни понуди нешто ново. Дама во крем боја со елементи на сексапил како длабокото деколте со мрежа.

Ѕвездата од How I Met Your Mother, Cobie Smulders, ги возбуди фотографите во кобалт корсет фустан од Reem Acra. Имаше доминантен златен ѓердан во комбинација со исти такви сандали. Егзотичната чантичка со леопард принт како да беше очекуван додаток на нејзиниот сензационален изглед.

Еве ги фотографиите: