NotForMen

Се одеше по нагорна линија, но за жал Amy се бореше со нејзината зависност од дрога и алкохол дури и во најблескавите моменти.

Amy Winehouse беше талентирана пејачка и изведувач кој прерано не напушти. Потсетете се само на нејзините најдобри моменти. Таа почина на 23 јули 2011 во нејзиниот дом во Лондон. Иако дваесет и седум годишната пејачка живееше премногу кратко, таа имаше извонредна кариера и допре до многу животи. Да се вратиме во нејзините најдобри моменти.

Amy Winehouse ја доби својата прва гитара на само 13 години и почна да пишува своја музика една година подоцна. Нејзиниот деби албум Frank излезе во 2003 година, на само 20 годишна возраст. Тој достигна продажба од речиси милион копии и беше номинирана за "British Female Solo Artist".

Се одеше по нагорна линија, но за жал Amy се бореше со нејзината зависност од дрога и алкохол дури и во најблескавите моменти. Во 2007 таа беше хоспитализирана, а нејзиниот татко се обрати дури и преку медиумите за да допре до неа.

Таа имаше драматична врска со Blake Fielder-Civil, но преполна со страст и љубов еден за друг, па така во 2007 година ја крунисаа со брак. Но постојаните несогласувања и проблеми со законот доведоа до разделба во 2009, а многу наскоро таа јавно говореше за својата љубов кон Josh Bowman. Последната нејзина врска беше со режисерот Reg Traviss со прекини од 2010, па наваму и крајот на оваа врска се уште не е јасно кога се случи.

Нејзин заштитен знак беше косата на врвот од главата во ретро кошница, црното моливче за очи и црвениот кармин. Облеката и беше најчесто ретро со обожуваните балетанки на нејзините нозе.

Amy Winehouse ќе остане запаметена како брилијантен изведувач, ѕвезди од сите сфери ја искажуваат својата тага по неа.

Погледнете ја нејзината кариера низ слики.