Порано или подоцна и тие сакаат да ја завршат играта и да се смират со вистинската, тоа не е спорно. Да, имаат страв од брак, но кога најмалку очекувате и за нив „затворот" почнува да има смисла.
Немојте да мислите дека денот на венчавката само вас ве потресува. Додека вие мислите дали убаво изгледате, тој се прашува дали ја прави вистинската работа. Со оглед на тоа што сé поголем број бракови завршуваат со развод, не е ни чудно човек да се подзамисли.
А што е со поддршката од пријателите? Не очекувајте да му кажат дека вие сте жената за него. Нивниот совет би звучел вака: „Брат, ако мајка ѝ е домаќинка и чесна жена и таа ќе биде, ако не, тешко тебе."
Но, ова и не е толку страшно за да може да ја расипе венчавката. Постојат пострашни моменти кои може да го премислат токму пред чинот.
Вашиот неподнослив предвенчален стрес...
Венчавката е остварување на вашиот сон кој го градите од својата 10-та година. И конечно дојде тој ден. Бидејќи се надевате дека ќе биде единствен, сé мора да оди според замисленото. Но, работите не секогаш мазно се одвиваат. Стресот е неизбежен.
Доколку ве сака и ве почитува, тој мора да покаже разбирање. Најважно од сé е да соработува за заедно да ја остварите вашата бајка. Но, секој има праг на толеранција. Не можете да очекувате тој да помине низ сите ваши испади. За нив ова е периодот на паѓање на маските.
Веднаш ќе донесат заклучок: „Дали било роденден, прослава, болест на детето, вака ќе ме јаде до крајот на животот!"
Му забранувате да има ергенска вечер...
Ергенската вечер е неговата последна вечер како сингл. Лудување до раните утрински часови за да може спокојно да се влезе во брачните води. Ризикувате многу доколку одлучите да му го скратите ова право.
Не чудете се ако во иднина и вие добиете забрана за одење на кафе со пријателките. А да не зборуваме дека со тоа покажувате знак на недоверба и дека сте жена на која сé ќе ѝ пречи и која ќе очекува отчет за секоја постапка.
Веднаш ќе донесат заклучок: „Немам намера да се откажам од пријателите и да ги слушам нејзините испрашувања!"
Го исфрлате од плановите за венчавката...
Да, знаеме дека ова се вашите 5 минути и дека сте женско и убаво е да се почитуваат вашите желби, но и тој е потребен за да застане до вас во црква и во матично.
Не смеете да бидете себична и да го отфрлате при донесувањето одлуки. Сигурно дека ниту еден маж нема да сака да се заморува со тоа каква боја ќе бидат балоните или панделките на салфетите, но не може да му ја наметнете комбинацијата што треба да ја носи.
Веднаш ќе донесат заклучок: „Сака да биде главна и сé да контролира, дури и начинот на кој се облекувам, зарем да ѝ дозволам да ги прегази моите принципи?"
Се жалите од прстенот со кој ја побара вашата рака...
Вие сигурно си велите дека нема логика целиот живот да носите прстен што не ви се допаѓа. Тоа е многу понавредливо отколку да не му кажете отворено дека не ви се допаѓа и дека сакате да го замените.
Нормално дека тој ќе се согласи со вас, но нема да помине неповреден. Замислите ја среќата на неговото лице и возбудата додека го одбирал. Во тој момент всушност сфатил колку многу ве сака. На крајот излегува дека не ве ни познава.
Веднаш ќе донесат заклучок: „Порано конопот служел за правење венчален прстен, а денес треба да има дијамант за да биде ОК. Мојата идна сопруга е материјалистка или јас не ја познавам доволно..."
