.gif)
Парите се најголемата причина за кавги во домот. Немате пари да ги пратите децата на екскурзија, се утепувате од работа цел месец за на крај да немате ни 1000 денари да си купите нешто за себе, а да не зборуваме дека пред први секогаш сте со празен џеб.
Кавгите се неизбежни, и разбирливи, но тоа не значи дека треба да им се потчините. Истражувањата велат дека економската криза удри и на брачната задница. Стапката на разводи никогаш не била толку висока како сега.
Зар не мислите дека ова е доволен мотив за да направите вашиот брак да успее? Препуштете се на предизвикот и спасете го бракот од рецесијата! Еве како да го сторите тоа во услови на економска криза:
Направете ребаланс на домашниот буџет!
Планираните трошоци можеби ќе треба да ги пренасочите. Во услови на економска криза не се купува нов автомобил. Што ќе ви е колата кога немате што да им сервирате на децата за јадење. Ваквите непромислени работи се причина за кавгите. Целта ни е да ве потсетиме на правилото дека одлуките морате заедно да ги донесувате. Па и да погрешите, вината нека биде заедничка.
Пресметувајте ја завршната сметка!
Сакале или не, секогаш едниот има повеќе врска со парите. Плаќање на сметките, купување намирници за дома, одвојување пари за децата... Ако вам ви е доделена таа улога, тогаш практикувајте да го известувате сопругот за тоа каде се трошат парите. Не сакате кога ќе снема пари да слушате обвинувања дека немате осет за трошење.
Смислете евтини начини за забава!
Заедничките проекти како спортувањето, играњето карти со други парови, пуканки и добар филм... одличен начин за да не мислите на парите, работата и децата. Ќе ги оттргнете мислите од суровото секојдневие и ќе сфатите дека е подобро да патите заедно со некого отколку сами.
-
Од жените 89% изјавиле дека најнискиот маж со кој би се состанувале треба да биде повисок од нив. ... -
Дали ме сакаш затоа што сум убава или убава сум затоа што ме сакаш? ... -
После стапувањето во брак она што ја уништува магијата е мислата дека се поседувате еден со друг. ...
.gif)
