Замислете си колку е тешко да се најдете пред разводна дилема. Милиони прашања се вртат во секоја слободна минута, што ќе биде со децата...разводот може да ги упропасти...дали тоа е добра одлука или можам да се потрудам работата да успее...
Во едно бидете сигурни, разводот не е убав како и да гледате на него. Некој мора да биде повреден. Но, еден е животот и не вреди да го потрошите во очај и постојани караници. Како да се уверите дека ја носите вистинската одлука? Група психолози кои со години работеле на оваа дилема, смислиле неколку прашања кои треба да си ги постави секој човек кој е пред разводна дилема.
Дали сè уште имате чувства за партнерот?
Честите кавги околу децата, финансиската криза во домот, лесно може да направи да ви пукне филмот и да ве натера да помислите на разделба. Но, размислите убаво! Не носете одлуки врз основа на моментните импресии. Лутината ќе помине, а вие ќе сфатите дека сама ви е многу полошо отколку што ви беше во брак. Сетете се на сексот, на неговиот допир, на неговиот бакнеж...ви се гади ли? Ете ви го одговорот на првото прашање.
Дали сте дел од вистински брак?
Кој збор доминира во вашата институција, јас или ние? Можеби сте брачен пар на лист хартија, но колку сте во реалниот живот? Заедничкото донесување одлуки, почитување на неговото мислење, љубовта, компромисот, тоа е суштината на секој брак. Не сте ги почувствувале вистинските придобивки ако размислувате конкурентски. Бракот не е натпревар помеѓу сопружниците. Дали вие се натпреварувате и се докажувате пред сопругот?
Се плашите ли за својата финансиска иднина?
Недоволната самостојност и стравот од немањето пари е честа причина поради која жената решава да остане во бракот и покрај несогласувањата. Но, парите никогаш не може да ви донесат љубов! Можеби е време да размислите за сопствена кариера. Не дозволувајте зависноста од него да ве натера да се мачите до крајот на животот. Сигурно дека на почеток нема да ви биде лесно, но не сомневајте се во својата способност да заработите за живот.
Дали разводот ќе ги усреќи децата?
Иако ретка појава, но разводот понекогаш може да значи и спас за оние што најмалку сакате да ги повредите. Постојаните караници, гнев, па и кршење на некој предмет...стрес кој е неподнослив за детското срце. Разводот може да значи крај на бракот, но потрудете се да означува почеток на ново пријателство. Не правете го тоа за вас бидејќи никогаш нема да ви успее, но секако добро ќе им дојде на децата.
Дали се разведувате од одмазда?
Трпевте дури и над нормалното, ги поднесувавте сите негови испади и на крај сакавте да го удрите таму кај што најмногу ќе го боли. Не се сетивте на ништо попаметно, освен развод. Можеби сè почна како обична закана, за на крај да заживеете со идејата дека можеби е подобро да го оставите. Огнот дополнително го разгори неговата индиферентност. Не очекувавте дека толку смирено ќе ја прифати вашата одлука.
