.gif)
Нормално дека никој нема ни да трепне на заклучокот презентиран од едно истражување, во кое се вели дека жените имаат поголема моќ во донесувањето домаќински решенија. Зарем кој ќе забележи дека се расипала машината за перење, дека детето добило единица по математика, дека треба да се пазари за дома...
Друго истражување, од Princeton универзитетот, потврдило дека мажите се забавуваат 90 минути повеќе во денот, за разлика од жените. После децении местата се заменија, мажите дефинитивно се посреќниот пол.
Излегување во парови.
Зошто вие го правите тоа? Едноставно затоа што жените имаат потреба да бидат со своите пријателки. Разговорот и длабоката конекција со другарките ги прави да се чувствуваат пријатно и опуштено. Тогаш се повесели и отворени за било какви активности.
Зошто тој избегнува? Повеќе сака да бидете сами бидејќи тогаш нема да се чувствува запоставен и целото ваше внимание ќе биде сконцентрирано на него. Во случај да му притреба емоционална поддршка, чаша вода или сендвич.
Баланс! Направете ги средбите со пријателите забавни. Секогаш организирајте натпревар. Можете да играте тенис во парови или покер. Натпреварувачкиот дух по кој копнеат мажите ќе го поведат тој да организира средба следниот пат.
Одржување на дворот.
Зошто вие го правите тоа? Психолозите велат дека жените, поради постојаната грижа за децата, дали се здрави, нахранети, веднаш забележуваат кога нешто фали. Од тие причини секогаш вие сте таа што забележува ако тревата пораснала повеќе од што треба, дека лисјата треба да се соберат и слично. Очите на жените побрзо детектираат кога нешто фали во сликата.
Зошто тој избегнува? Кои лисја??? Вака би ви одговорил тој кога би го замолиле да ги собере. Не дека мажите намерно од мрзеливост ги игнорираат, едноставно нивните очи не ги забележуваат дека се одвишни во дворот.
Баланс! Ако градинарството е вашиот издувен вентил, начин да се ослободите од стресот и да ги импресионирате комшиите, не се откажувајте од него. Додека ги садите и полевате разните цвеќиња, ќе имате време да размислите и да се релаксирате. Но, кој двор може без зеленило. Одржувањето на тревата препуштете му ја нему, па нормално дека немате сила да косите трева.
Планирање на летниот одмор.
Зошто вие го правите тоа? Жените се подобри во организацијата бидејќи поуспешно ги склопуваат информациите. Прво ќе дознаете се за тоа место, ќе размислите колку ќе ви одговара, дали е блиску до плажа, дали има да се купи убаво јадење за децата, дали има каде да се однесат да се забавуваат... Често им се случува на жените и да ја предвидат атмосферата на местото. Едноставно вие имате добри инстинкти.
Зошто тој избегнува? Едноставно сака да ужива, за него битно е само да се појави и да не се буни многу. Мажот има претстава дека жената ужива во планирањето и зборувањето месец однапред за патувањето. Тоа и навистина е така, еднаш ќе му подвикнете кога ќе се замеша и тоа за него е знак да се тргне од планот.
Баланс! Секој од вас нека направи список на локациите и местата кои сака да ги види. Кога ќе најдете компромисно решение, поделете ги обврските. Еден нека биде задолжен за картите и аранжманот, друг нека обезбеди производи и козметика потребни за патувањето. Вака никој нема да биде виновен ако хотелот не се погоди, а комуникацијата ќе се подобри.
Водење сметка за себе.
Зошто вие го правите тоа? Жените цел живот се опседнати со изгледот и калориите, посебно во брак кога почнуваат да чувствуваат промени на телото. Се вели дека жената побрзо старее од мажот, па за да не ја замени со друга таа мора да пази на линијата. Освен за себе, мајката се грижи и децата и сопругот да јадат здрава храна.
Зошто тој избегнува? За мажите кујната е непозната територија. Додека се мали мама е тука, кога се во брак тука е сопругата.
Баланс! Кажете му дека сакате да ве изненади со вечера. Иако тој ќе проба да побегне од тоа велејќи дека нема поим од готвење, вие бидете упорна и кажете му да не се грижи. За почеток помогнете му, кажете му како се подготвува јадењето и набавете ги продуктите. Откако ќе го пофалите дека супер се снашол, ќе му стане навика секоја недела да ве изненадува. Сега може ќе ви се згади од истиот оброк, но подобро нешто отколку ништо.
-
Од жените 89% изјавиле дека најнискиот маж со кој би се состанувале треба да биде повисок од нив. ... -
Дали ме сакаш затоа што сум убава или убава сум затоа што ме сакаш? ... -
После стапувањето во брак она што ја уништува магијата е мислата дека се поседувате еден со друг. ...
.gif)
