NotForMen

„Лошиот секс беше одлучувачки фактор за распад на два од моите три брака“ се зборовите на актерката. Ким Катрал. Со оглед на нејзината улога во филмот Sex and the city може на миг и ќе помислите дека таа е сексуален предатор и не е најдобриот пример по кој може да се водите, но сепак таа во приватниот живот е убава, исполнета жена со своја успешна кариера.

Тој е партнерот кој одамна го баравте, а совршено се вклопува во вашата девојачка желба за убав, добар и паметен маж со кој ќе го поминете остатокот од животот. Но после почетничкиот меден занес откривте дека тој не е добар љубовник.

Се труди околу вас, но никако не успева целосно да ве задоволи во креветот. Кон него чувствувате љубов, но од сексуален нагон и желба да го зграбите повторно, ни траг, ни глас.

Дали совршената хармонија на вашите карактери и заедничките гледишта на животот се доволно за вашиот сексуален живот да биде жртвата? Дали духовното задоволство ќе може да го надополни физичкото незадоволство?

Да, сега сте во врска и не ви е крај на светот ако жртвувате неколку оргазми, но што ако тоа треба да трае цел живот. Дали ќе бидете доволно храбри да се одречете од страста и да оддолеете на егзотичниот Шпанец кој го запознавте на последниот семинар од работа?

Можеби токму сексот е 51 процент од она што е потребно за добар брак. Затоа што редица кавги и реки негативна енергија можат понекогаш да се затворат со една добра партија секс. Друг пат пак после целодневните обврски околу работата и децата сексот е оној издувен вентил кој ви е неопходен за насмевка на вашето лице во текот на следниот напорен ден.

Според едно истражување кај двојките во Теренгани, североисточна Малезија кои се во брак помалку од пет години лошиот секс е една од главните причини за големиот број разводи. Најголемиот дел од оние кои се на работ на разделба на брачните советници им кажале дека предвидливиот секс е главната причина за нивниот развод.

Но од друга страна и да немало проблем во сексуалниот живот во текот на врската тоа може да се јави по стапувањето во брак. Американските научници во едно истражување заклучуваат дека паровите пред да стапат во брак имаат секс повеќе од 4 пати неделно, а во бракот тоа се намалува само еднаш неделно.

Застрашувачи е фактот што има и двојки кај кои сексот не е на дневен ред. Според анкета на The New York Times, 15 проценти од двојките немале секс во последните 6 месеци до година дена.

Дури 79 проценти од паровите пак велат дека повеќе преферираат да се наспијат навечер, отколку да водат љубов, а седум од десет испитаници тврдат дека би имале повеќе секс ако нивниот парнер се труди повеќе.

Опуштеноста и помалата грижа за својот изглед по ставањето бурма на раката и економските фактори, како невработеност, неплатени сметки, мал семеен буџет, го убиваат сексот, љубовта и се останато во една брачна заедница.

Немањето адекватен сексуален живот во бракот ја заведува овдешната раја во канџите на неморалот, едновечерните сексуални авантури надвор од брачниот кревет и постојано зголемување на процентот на неверства од страна на двата пола.
Дали и сексот треба да се стави на листата на приоритети при изборот на животен сопатник или сепак по цена на добриот секс би го задржале партнерот кој има се останато?