.gif)
Се прилагодуваше на неговата мрзеливост за шетање, иако од време навреме со својата невина насмевка знаеше да измами, се што ќе посака од него.
Можеби вие нема да го посакавте за свој маж, можеби и ќе го сторевте тоа, нели за вкусовите не се расправа, а листата критериуми на секоја една жена е различна од останатите, единствена и неповторлива.
Но таа жена го сакаше тој маж. Тие беа заедно без малку 15 години, од нив повеќе од две третини го делеа брачниот кревет. И беа среќни и се сакаа и си беа љубоморни еден на друг, како во првите денови од нивната врска.
Мажот
Тој не беше многу комуникативен и социјален тип, луѓето понекогаш ги гледаше низ призмата на парите, а никој не го сака тоа, па така нивниот круг на пријатели беше мал. Знаеше понекогаш да биде крут и суров во коментарите спрема најблиските, но никогаш кон неа и нивното дете. Повеќе уживаше во боемска пијанка со добро потпечена скара, отколку во прошетка во природа или викенд на море, иако можеа да си го дозволат тоа.
Го сакаше
За многумина беше несовршен, а животот со него незамислив, но за неа тој беше вистинскиот. И не само кажано од неа, тоа се гледаше и отстрана.
Тие функционираа како едно. Неговата крутост за оваа нежна жена беше заштита. Таа секогаш го ставаше него на прво место, па така неговата несоцијалност, ја припишуваше на немањето време, турбулентниот живот или зафатените пријатели, но никогаш не нему.
Се прилагодуваше на неговата мрзеливост за шетање, иако од време навреме со својата невина насмевка знаеше да измами, се што ќе посака од него.
Жената
Таа беше жена која за секоја одлука, се премислуваше пo 10 пати и за да ја донесе мораше да побара од некого потврда. Често знаеше да ги драматизира своите проблеми и постојано да се жали за нешто. Секогаш пребирлива, без разлика дали за работа или парче гардероба, трошеше многу време пред да преземе вистинска акција.
Ја сакаше
Но тој ја сакаше, токму таква каква што е. Обожаваше да биде доминантен, а нејзиниот карактер му го дозволи тоа. Тој беше главата на семејството, која ги донесуваше одлуките, но и нејзина потпора при секоја несигурност.
Знаеше да ја ислуша, иако многумина би избегале по кратко време и да ја поттурне секогаш кога таа ќе запре.
Да, тие беа несовршени и со многу маани, вие можеби никогаш не би посакале ниту еден од нив за свој животен сопатник, но тие се сакаа толку силно и функционираа како една целина.
Тој секогаш се насмевнуваше на нејзините љубоморни коментари, а пак таа на неговите љубоморни подбивања.
Во се различни, но исти во тој поглед, во љубовта, во љубомората, во пожртвуваноста еден за друг. Токму така, како вчера да беше, им поминаа последните 15 години.
-
Од жените 89% изјавиле дека најнискиот маж со кој би се состанувале треба да биде повисок од нив. ... -
Дали ме сакаш затоа што сум убава или убава сум затоа што ме сакаш? ... -
После стапувањето во брак она што ја уништува магијата е мислата дека се поседувате еден со друг. ...
.gif)
