.gif)
Сонувате за најубавиот бел фустан, најраскошниот од сите во кој вие ќе бидете принцезата која ќе го слави денот на својата љубов.
Сон за белото, сон за најубавата, сон за принцот, бакнежот и заветите пред Бога. Мајка ви ви ги читаше бајките, а вие се за што мечтаевте беше да нурнете во вашата сликовница полна живописни бои и да ја облечете стаклената чевличка на Пепелашка или да ве разбуди принцот од стаклениот ковчег на Снежана.
Слатки сказни
Застанувавте пред огледалото и со детската наивност од се срце велевте „Огледале, огледалце мое, кажи на светот најубав кој е?“
Верувавте во куќи направени од чоколадо (Ивица и Марица), во ѕверови кои по бакнежот ќе се претворат во принц (Убавицата и ѕверот), сирени кои со песна маѓепсуваат (Ариел) во злобни вештерки и ред други надреални работи кои денес ви останаа само прекрасен спомен од детството.
Се уште верувате...
Но што е она во кое се уште верувате, кој е тој сон на кој се уште се надевате?
Тоа е најубавиот бел фустан, најраскошниот од сите во кој вие ќе бидете принцезата која ќе го слави денот на својата љубов.
Крунисувањето на љубовта со завети и во добро и во зло до крајот на животот, голтката црвено вино и лепче за бериќет, јазлите ткаенина за деца и мирисот на темјанот за вечна среќа, па потоа најромантичниот танц заедно со љубениот на вечната „Everything I do“ или било која друга песна по ваш избор е се што си посакувавте целиот свој живот.
Вашиот миг од вечноста
Вашиот ден, најважниот ден во вашиот живот кога сите ја слават вашата љубов и среќа, собрани на едно место со исти желби за хармонија, најблиските, најсаканите, расположени, насолзени ви ја даруваат сета позитивна енергија за новата етапа во вашиот живот.
Го фрлате бидермаерот преку рамото, рака врз рака со партнерот ја сечете тортата и со тоа ја пресекувате првата страна од вашиот нов живот и од тој ден, па натаму се правите на тој начин со испреплетени прсти и заеднички напори.
И бело е се, а тогаш не е миг да се мисли ниту на финансии, ниту на денот потоа, тој миг е овде и сега, останува дел од вечноста како сплотување на уште една љубов, вие сте најзначајната затоа што во тој миг бајката ви постана јаве, а во себе ја носите среќата и насмевката на илјада и една Снежана и Пепелашка, затоа што го чувствувате на своја кожа сонот, а принцот стои на само метар од вас.
-
Од жените 89% изјавиле дека најнискиот маж со кој би се состанувале треба да биде повисок од нив. ... -
Дали ме сакаш затоа што сум убава или убава сум затоа што ме сакаш? ... -
После стапувањето во брак она што ја уништува магијата е мислата дека се поседувате еден со друг. ...
.gif)
