.gif)
Полека полека се се сведува на најдобар пријател, на децата, на финансиските проблеми.
„Што е љубов? Покрај толку момчиња со кого ќе завршам? Што ако на патот сум го пропуштила вистинскиот? Што ако не постои вистински?“ и ред други бумбарчиња го мачат вашиот ум, ако само на миг го свртите погледот кон иднината.
Младост, лудост
Почетнички занес на секоја врска, па болна опсесија или недоволно внимание, па љубовта раѓа болка, ќе речат, а вие никако да сфатите што всушност е љубов. Оној кој до вчера ви изгледаше вистинскиот и најдобриот, по раскинувањето и гледањето од дистанца со студена глава ви изгледа толку далечен од тоа место.
Чувствувате дека од врска во врска одите кон подобро, па ако продолжите со тоа темпо дали вашите незаситни апетити еден ден ќе ве одведат во слеп сокак?
Неромантична потрага
И сета оваа потрага по љубовта на вашиот живот, со годините станува се помалку романтична и се повеќе пресметана. Вистинскиот се повеќе се претвора во најсоодветниот, во оној чиј карактер ви е најподнослив.
Со ова ја убивме романтиката, но сетете се само на вашата пријателка со која секој ден поминувате заедно по најмалку 2 часа и функционирате совршено и направете споредба со тоа што се случи со неа на ланскиот годишен одмор. Не можевте да се поднесете една со друга, постојано се препиравте околу најбаналните работи и летаа искри во судирот на желби за како да биде поминато времето.
Најсоодветниот!
Токму ова мора да се избегне со вашиот брачен сопатник. Без разлика на желбата да го зграпчите кога ќе му ги видите фино оформените стомачни мускули, после тој еден час следат 23 часа на заедничко функционирање и поднесување.
И чест на паровите исклучоци, еден во илјада, кои и покрај трите дечиња се уште се гледаат со сјај во очите како и првиот ден. Ретка среќа е таа искра.
Полека полека се се сведува на најдобар пријател, на децата, на финансиските проблеми. Да имате позитивен човек до вас со кој вашата пријателка и нејзиниот сопруг ќе сакаат да одиграат партија брич, со кој ќе ви биде пријатно да го поминете денот покрај Радика, со кој ќе ги споделите сите радости и таги, а тој ќе ве ислуша и разбере.
-
Од жените 89% изјавиле дека најнискиот маж со кој би се состанувале треба да биде повисок од нив. ... -
Дали ме сакаш затоа што сум убава или убава сум затоа што ме сакаш? ... -
После стапувањето во брак она што ја уништува магијата е мислата дека се поседувате еден со друг. ...
.gif)
