.gif)
Дали чувството на исполнетост кое се раѓа во моментот кога ќе го облечете белиот фустан може да роди страв.
Денот пред свадбата се прашуваше каков ќе и биде животот, а половина година подоцна го имаше одговорот во пракса!
23 годишната девојка се прашуваше дали после тој ден се ќе биде сменето и искрено веруваше дека ќе биде, но на подобро. До судбоносното „Да“ ја дели само еден ден, а таа веќе го чувствуваше плодот на таа љубов во својот стомак!
Ниту оваа млада девојка не ја одмина оваа застрашувачка пред брачна дилема? Несигурна во љубовта, се прашуваше како ќе се снајде во новата улога за која единствен доказ се потписот и бурмата?
Еден потпис - илјада промени
Девојката која летните одмори го поминуваше во највесело друштво и лудување во градските дискотеки до 5 наутро, последниве неколку недели беше преокупирана со подготовките за свадбената церемонија.
Колку е забавно си мислеше таа, со исклучок на оние главоболки кои ги предизвикуваат финансиите! Честитки од сите страни, исто толку желби за среќен брак!
А колку ќе биде среќен кога ќе се појави стравот од сите одговорности кои од утре ќе и бидат секојдневие без оглед на храброста да го промени статусот во мажена?
Страв наместо брачна магија
Дали чувството на исполнетост кое се раѓа во моментот кога ќе ја почувствувате магијата на белиот фустан е пропорционално со стравот од обврските и трошоците кои ги носи бракот и детето?
Дали утрото ќе и почнува со подготвен појадок од мама и пари за џепарлак од тато, како некогаш, или ќе се размислува од кај да најде рецепт за ручекот кој го очекува нејзиниот маж после работа?
Бракот ја соочи со податок за цената на пакетот пелени за детето и караниците со сопругот за изгорениот ручек. Очигледно љубовта потклекна пред лудоста.
Очи во очи со лудоста
После половина година, девојката изгледаше некако многу поразлично од нејзините врснички, а нејзиниот брак некако поразличен од оној на нормалните брачни парови. Како стравот во очите да ја издаваше за секојдневните брачни обврски кои прераснуваа во проблеми, а сето тоа прераснуваше во очај. Доказ за тоа беше нејзиното потајно завидување на слободните другарки кои секој викенд добиваат по 1.000 денари за во диско и се оптоваруваат со факултетските лекции кои од оваа позиција и изгледаат гола вода.
Тоа што не и остануваа пари ниту време за себе и што не се снаоѓаше баш најдобро во домаќинството ја потврди нејзината лудост да скокне во брачен живот кога уште ја мамат забавите.
Ако свадбената еуфорија ја нагласуваше нејзината храброст, тогаш овие обврски и одговорности ја турнаа на дното од нејзиното лудило. Се сеќава на денот пред свадбата кога се мислеше какви промени ја очекуваат, а сега го имаше одговорот. Поддршката од мажот целосно исчезна, а со неа згасна и некогашната мала искра на љубов. Бракот стана поладен од било кога. Единствена радост во нејзиниот млад живот беше нејзиниот син кој, за жал, првото нешто кое ќе почне да го разбира се семејните караници.
-
Од жените 89% изјавиле дека најнискиот маж со кој би се состанувале треба да биде повисок од нив. ... -
Дали ме сакаш затоа што сум убава или убава сум затоа што ме сакаш? ... -
После стапувањето во брак она што ја уништува магијата е мислата дека се поседувате еден со друг. ...
.gif)
