.gif)
Филмот се одвива во Pacific Northwest, па затоа и вие како локација за вашата свадбена церемонија одберете парче природа, кое изобилува со шума.
Ако не можете да се задоволите од серијалот Twilight saga, а денот кога ќе стапнете на лудиот камен се ближи, зошто да не направите тематска свадба во која мотив ќе ви бидат вампирите?
Можеби ви звучи морничаво, но ако ги послушате нашите совети верувајте резултатот ќе биде креативен, уникатен и засекогаш запомнет. Ова можете да го направите едноставно преку применување на одредени детали од книгата и да направите драматичен вампирски ефект.
Романтична локација во природа!
Филмот се одвива во Pacific Northwest, па затоа и вие како локација за вашата свадбена церемонија одберете парче природа, кое изобилува со шума. Не само што е ултра романтично, туку е и многу поевтина варијанта од било кој ресторан.
Декорирајте ја локацијата со бели светилки. Церемонијата може да започне доцна попладне, а пречекот на гостите да се одвива токму на зајдисонце, па забавата да трае до доцна во ноќта.
Време е за јаболка!
За настанот користете јаболка, зелени или црвени по ваш избор. Ова е драматичен, но и елегантен детаљ од книгата.
Пресечете ги јаболката и претворете ги во свеќи за убава декорација на масата или ако сте доволно трпеливи дури и изрезбајте ги имињата на гостите во нив, па тие совршено ќе послужат како картички на масата. Исто така поставете кошници јаболка на неколку ќошеви.
Декорација со шаховски фигури!
Шаховските фигури се уште еден детаљ од Twilight серијалот кој можете да го примените на вашата свадба.
На секој гостин дадете му по една црвена или бела фигура наместо бонбонче или дури можете да ги искористите на врвот од тортата наместо традиционалните младоженец и невеста.
Служете црвени пијалаци како крв!
Послужете црвени пијалаци како вино, сангрија во метални пехари. Исто така можете да направите уникатен коктел, кој ќе се базира на сок од црвени портокали.
Поставете многу канделабри!
Декорирајте ги масите со канделабри или користете ги празните шишиња од вино како свеќник во кои ќе протекува стопениот восок од свеќите.
Се нека биде во духот на црвената боја!
Користете ја црвената боја за драматичен изглед на настанот. Црвен кармин на вашите усни, бидермаер од црвени ружи, чевли или лента во вашата коса ќе ја разведрат вашата свадбена тоалета.
Исто така можете да ги облечете вашите деверуши во црвени фустани, но ако сакате посуптилно тогаш бојата на нивните фустани нека биде сива, но со црвени детали.
Додека смртта не не раздели!
Еден од најромантичните аспекти на врската на Bella и Edward е конфликтот на смртноста и бесмртноста.
Кога ќе ги испраќате вашите покани користете зборови како „вечна“, „бесмртна“, „сакана“ итн. Исто така можете да оставите пораки за гостите на столиците со фрази од филмот.
NotForMen препорака: Зошто жените почнаа да се палат на вампири?
Завети за вечна љубов и вино запечатени во ковчег!
Со вашиот сакан напишете си писма, каде ќе си ветите вечна љубов. Потоа ставете ги во еден дрвен ковчег, каде ќе ставите и шише вино и на крај ќе го запечатите ковчегот со шајка.
Тоа ќе биде вашата временска капсула која ќе ве врати во најубавиот ден од животот, кога ќе ја отворите за време на некоја годишнина или во период на криза во бракот.
-
Од жените 89% изјавиле дека најнискиот маж со кој би се состанувале треба да биде повисок од нив. ... -
Дали ме сакаш затоа што сум убава или убава сум затоа што ме сакаш? ... -
После стапувањето во брак она што ја уништува магијата е мислата дека се поседувате еден со друг. ...
.gif)
