NotForMen

Слободно можете да се вратите пијана дома и безгрижно да ги расфрлите обетките на една, а хулахопките на друга страна.

Друштвото веќе ви се прошарува со по некоја омажена пријателка, а вие не само што не помислувате на тоа, туку и ве ежи помислата од се што би требале да се откажете.

Еве ги сите ваши девојачки задоволства на куп:

• Дома ви е платено се од типот на сметки за струја, вода, парно и интернет, а сметката за мобилниот телефон ви е единствената од овој вид.
• Според горенаведеното, целата плата ви останува да ја трошите на излегување, шопинг, третмани за разубавување, можеби отплаќање на кредитче за автомобил и се друго што ви причинува задоволство. Хммм да... и многу благооо!
• Машината ретко кога останува вие да ја вклучите, а на рака ги перете само вашите во срце врежани фустанчиња, ниту туѓи кошули, ниту туѓи гаќи.
• После работа, можете да отидете на пица, а после тоа ако се уште имате енергија и на некое коктелче, без некој накриво да ве погледне кога ќе стигнете доцна дома.
• Слободно можете да се вратите пијана дома и безгрижно да ги расфрлите обетките на една, а хулахопките на друга страна во вашата соба и да си легнете. Брачниот кревет и спалната соба дефинитивно не би биле соодветни за олку слобода.
• Дома обично ве чека приготвен ручек, а вие готвите само оние денови кога вам ќе ви се пројави желба за тоа.
• Ретко кога размислувате кој беше бројот на водоводџијата за да го повикате да ја поправи пукнатата цевка.
• Смеете понекогаш во пижами да си дозволите да јадете на кревет, без притоа некому да бидете лош пример, како на вашите дечиња или на сопругот на кој малку му е потребно за да се опушти.
• Во ред е ако заглавите на Фејсбук до 4 часот наутро и следниот ден после враќањето од работа цел ден го поминете во кревет, никој нема да ви префрли.

 

NotForMen препорака: И сингл девојка е среќна девојка!

 

• Нема да треба некому да поднесувате извештај ако овој месец наместо да тргнете дел од платата во буџетот за летен одмор си се почестите со капут вреден една просечна македонска плата.
• Секој пат кога сте расположени за излегување можете веднаш да го сторите тоа и да најдете некој за друштво, наместо 2 часа да го убедувате сопругот дека позабавно е на театар отколку во спортска обложувалница.
• Можете да спиете во вашата стара скината бела маица и бабински памучни гаќи без притоа да чувствувате грижа на совест.

Едноставно можете да бидете опуштени и да правите се што ќе посакате. А бракот и децата? Па се во свое време!

• 
  Зошто жените сакаат високи мажи?
  Од жените 89% изјавиле дека најнискиот маж со кој би се состанувале треба да биде повисок од нив. ...
• 
  11 цитати за љубовта
  Дали ме сакаш затоа што сум убава или убава сум затоа што ме сакаш? ...
• 
  Зошто се мажиме и зошто се разведуваме?
  После стапувањето во брак она што ја уништува магијата е мислата дека се поседувате еден со друг. ...