.gif)
Со упорност која најверојатно ги довела на позициите на кои се денес пред себе имаат нова цел, вие во нивниот кревет!
СИТУАЦИЈА
После мал милион години одлучивте да посетите една од оние отмени забави со посебен дрес код каде поголемиот дел од присутните се луѓе на високи позиции и со свои бизниси можеби. Овој пат не сте вработена во некоја од нив туку едноставно го придружувате вашиот братучед, чичко или тетин.
НАПАД
Таму на прв поглед маса изреализирани луѓе кои после напорната работна година решиле да се почестат со Џејмисон и по некоја Текила Санрјс и да уживаат во дружбата со луѓето од нивната бранша.
Но после првите 2 пијачки над вас како да се создадоа сиви облаци, а тие сиви облаци се токму тие истите директори кои без разлика што гордо ја носат бурмата на раката исто толку самоуверено започнуваат да ви се додворуваат.
Со упорност која најверојатно ги довела на позициите на кои се денес пред себе имаат нова цел, вие во нивниот кревет!
NotForMen препорака: Млади девојки + Стари „инвеститори“
ПРАВЕЦ
И само кога ќе ја погледнете таа дополу седа коса, стомак издаден напред и збрчкана кожа на рацете ви се одмилува и омилената Маргарита, а се што помислувате е каде отиде светот?
Можеби не сакавте по никоја цена да ги тргнете розовите очила досега, но животот овој пат во огромна порција ви сервираше пред вас куп невкус што дури не можете да замижете.
Со пијалакот во рака, дипломатскиот говор како сакаат да се дружат со млади луѓе бидејќи имаат млад дух и погледот од кој се чувствувате како срна во стапица, волците се наддаваат еден над друг кој ќе ја плати наредната тура коктели и кој најбргу ќе ви го замати умот.
ОБВИНЕТА
По автоматизам вие сте етикетирана како спонзоруша бидејќи сте се појавиле со постар господин во костум, за кој ни под разно не можете да докажете дека е вашиот тетин, а тие би ја платиле секоја сума за да ја имаат неговата „швалерка“.
Младите инжинерчиња, и од Олимп поубави, на сепарето до вас не се ни осмелуваат да погледнат во ваш правец затоа што секој еден од нив верува дека девојка не се освојува со југо во денешно време.
ИСХОД
Да, траги-комични ситуации ни го дрмаат градот кога 50-годишни мажи од 167 сантиметри веруваат дека поради дебелиот паричник ќе имаат згодна девојка од дваесетина години во својот кревет.
Вие сигурно сте доказ број 1 против тоа, но само на миг да подзастанеме и да размислиме што не доведе до оваа ситуација? Дали можеби дел од девојките ги создадоа овие верувања кај мажите?
Ако досега „купил“ три девојки со Swarovski нараквица и парфем Chanel No. 5, зошто да не верува дека тоа може да го стори и со вас?
Време е да им се вратиме на корените - кога жените беа бесценети!
-
Од жените 89% изјавиле дека најнискиот маж со кој би се состанувале треба да биде повисок од нив. ... -
Дали ме сакаш затоа што сум убава или убава сум затоа што ме сакаш? ... -
После стапувањето во брак она што ја уништува магијата е мислата дека се поседувате еден со друг. ...
.gif)
