.gif)
Месечните примања на жената со кои таа нема потреба да побара дозвола за да појде на фризер кога ќе посака им ја олеснија работата на мажите.
Едната ја прави запршката покрај шпоретот, другата ги дипли парите во својот лакован паричник, едната нуди нежност и топлина, другата динамика и нескротливост, која е онаа која ќе го задржи мажот во својот кревет?
Домаќинка или кариеристка за жена, кој тренд го пратат мажите?
ДОМАЌИНКА
Нови времиња, нови трендови, нови ставови... Па така ниту еден маж нема да ви каже дека копнее за тип на жена домаќинка.
Ако некогаш на цена беа жените кои знаеја да го сварат највкусното гравче, ги пеглаа дури и гаќите и неговите чорапи внимателно ги диплеа по боја, денес жената која секој ден е дома, која мажот после работа ќе ја најде со престилка и дрвена лажица врз шпоретот и не е најголемата машка фантазија.
Можеби домот ќе биде беспрекорно исчистен, но со ваквата жена мажите сметаат дека ќе биде исчистена и страста од бракот, а сексуалната возбуда со потчинетата жена ќе заврши во контејнерот заедно со другите нечистотии од домот.
Бурмата повеќе нема да биде доволна за да го задржи овој маж во креветот на домаќинката. Со оглед на тоа што таа нема голем круг на движење, а со тоа и на познаници, се и е сведено на неколкуте пријателки од младоста, сосетките и мажот.
Секој ден внимателно го слуша и нормално го цени како глава на семејството без која тоа не би функционирало, а потоа му раскажува за своите случувања во домот.
КАРИЕРИСТКА
Ново, привлечно, заводливо... Самостојна жена на која не можете да и ставите пранги. Но колку слобода е премногу слобода?
Иако како на лепак мажите се лепат на самоуверените жени, професионално реализирани, кои добро знаат дека разликата меѓу работа и кариера е работен ден од 8 и 10 часа, тие бргу се презаситуваат од нивната доминантност, се чувствуваат загрозени како глава во домот и полека го креваат својот глас против кариеристките.
NotForMen препорака: Кариера за комплетна жена
Месечните примања на жената со кои таа нема потреба да побара дозвола за да појде на фризер кога ќе посака им ја олеснија работата на мажите, но чувството дека немаат никаква контрола врз сопругата од материјален аспект малку и како да ги плаши.
Кариеристиките на моменти толку многу се занесени од љубовта кон професијата што неретко после долгиот работен ден доаѓаат дома и уште часови потоа говорат на таа тема пред мажот кој зева. Ликовите му се живописно опишани, а работните обврски и повеќе од јасни, но таа пак го говори истото.
Загрозен и потиснат овој маж многу лесно може да ги искористи социјалните мрежи, бизнис пријателите или случајните средби и да започне афера со жена која нема да биде толку доминантна и пред која ќе се чувствува како маж во вистинска смисла на зборот. Таа ќе му посвети време и за масажа и за задоволување на неговите нагони.
Да, мачо е сонот на секој маж!
И сега што сакаат мажите, каков тип на жена е сонот за негова животна сопатничка? Дали има некој таков кој ќе ни ја разреши мистеријата?
Еве еден од одговорите на америчките сајтови: Мажите сакаат среќа.
И за крај погледнете го филмот „I don't know how she does it“ со Sarah Jessica Parker за тешкотијата на пронаоѓањето баланс помеѓу кариерата и семејството, но и можноста да се постигне тоа ако вистински се сака.
-
Од жените 89% изјавиле дека најнискиот маж со кој би се состанувале треба да биде повисок од нив. ... -
Дали ме сакаш затоа што сум убава или убава сум затоа што ме сакаш? ... -
После стапувањето во брак она што ја уништува магијата е мислата дека се поседувате еден со друг. ...
.gif)
