NotForMen

Сите ќе се согласиме дека ова не е лесна задача. Најдобрата девојка, дали воопшто постои таква? Ако ништо друго, можете да станете најдобрата девојка што некогаш ја имал, тоа барем е изводливо. За почеток треба да тргнете од фактот дека тоа што мажите го сакаат од жените и тоа што жените сакаат да бидат е дијаметрално различно. Ова не треба да ве обесхрабрува, туку да ви покаже каде грешите. Најсигурна опција ви е да се ставите на негово место.

Еве ги нашите инструкции:

Не задушувајте го! Мажите најмногу ја сакаат слободата, затоа и потешко им оди со приврзувањето. Не бидете типична девојка со постојани проверки за тоа каде оди и со кого. Не смеете да дозволите да се чувствува заробен од вашите очекувања и барања. Многу е важно да не го менувате чувството што тој го носи за самиот себе. Иако во практиката тој ве следи, дозволете му да мисли дека сé уште е слободен да прави што сака.

Бидете спонтана! Ако сте се сетиле да го поканите да ви прави друштво со пријателките, сторете го тоа. Не премислувајте се во следната секунда, можеби го ставате во незгодна ситуација да ве одбие. Не трчајте пред огледало да ја средите косата или да ставите шминка кога случајно ќе ви се појави пред врата. Кој во недела седи дома и гледа ТВ со нашминкани очи и тесни панталони?

Кој не сака изненадувања? Сигурно и вашиот одговор е дека сите сакаат. Кога веќе го знаете, применете го! Не правдајте се дека не сте доволно досетлива или дека за тоа ви требаат пари.  Доволно е една искрена СМС-порака, а за неговото омилено јадење или поза да не зборуваме. Ваквите моменти ќе ве направат супердевојка која знае како да задоволи маж.

Не озборувајте пред него! Знаете колку машките се нервираат кога девојките ќе седнат и непрекинато ќе зборуваат за друга девојка. Вие сте љубоморна, не знаете да уживате во животот, па затоа се интересирате за другите, не сте доволно самоуверена... ваков впечаток оставате. Одолејте да озборувате пред него, зачувајте ги трачовите за другарките.

Пазете на малите нешта што ги сака! Да го галите по коса, да го вклучувате во донесувањето одлуки, да не се нервирате кога сака да гледа фудбал со другарите, да ги прифатите неговите чудни навики... Нема момче што не посакува неговата девојка да биде свесна за ваквите работи. Ако работата е сериозна, ова е многу позначајно за него отколку постојано да сте досетлива за време на сексот.

• 
  Од просечен секс до одличен секс!
  Разголете се емотивно, милувајте се и гледајте се во очи за да ви се спојат и душите. ...
• 
  Писмо до сите мои „непријатели“
  Можеби е вашиот партнер, можеби е пријателката, можеби е колешката од работа... ...
• 
  Перфекционизам до болка!
  Често перфекционистите се несреќни, но уште почесто токму тие се оние најуспешните. ...