.gif)
Ваквото прашање се наметна откако слушнавме една интересна животна приказна. Нема да ги откриеме луѓето, но добивме зелено светло да ја искористиме нивната приказна за да го отвориме ова интересно прашање.
Па ајде да почнеме со приказната, сигурно ќе сакате да ја дознаете:
Се запознаваат преку другарка. Излегуваат заедно неколку месеци сé додека другарката што ги запознала не заминува на студии во странство. Поминуваат неколку години во кои се гледаат неколку пати во случајни ситуации на јавни места. Разговорите главно им се сведуваат на новостите што ги имаат за девојката што ги запозна. Работите почнуваат да се менуваат кога нивната таканаречена посредничка се враќа и организира средба како од времето кога беа помали. Повторно се повторува минатото со постојано излегување, заеднички одмор, но со една мала разлика... тие почнуваат да се заљубуваат. Почнуваат врска која трае неколку месеци. Со повторното заминување на нивниот посредник, заминува и нивната врска. Но, остануваат пријатели, се слушаат секој ден, заедно излегуваат и преку ден и навечер, отворено си раскажуваат за состаноците со други луѓе и што е најважно немаат секс. Интересна беше изјавата која едниот од нив ја кажа: „Штом куче и маче може да се спријателат, зошто не и ние."
Никој не вели дека има парови што по раскинувањето не комуницираат и не се почитуваат. Но, овде мислиме на подлабоко пријателство. До вчера љубовник, а сега човек со кој зборувате каков е сексот со новиот партнер. Кога ваквите ситуации се можни? Ние смисливме три?
Прва ситуација: Двајца пријатели почнуваат врска.
Вие сте биле пријатели од кога знаете за себе. Довербата, познавањето на разликите и лесното соочување со нив направило да се роди идејата дека супер би функционирале како пар. Одлучувате да пробате дали како пар може да функционирате толку добро. Но, излегува дека сексот е катастрофа, се карате за ситници и цело време имате чувство дека излегувате со роднина. Логично ви е дека нема потреба да расипувате нешто свето само поради тоа што неколкупати спиевте со него. Разговарате дека не ви оди и работите се враќаат во нормала. Ваква ситуација и не треба да зачудува бидејќи пријателите разговараат за сé и може да проголтаат ваков проблем.
Втора ситуација: Двајца непријатели стануваат најдобри пријатели.
Тенка е линијата помеѓу љубовта и омразата. Тој секогаш ве нервираше, не можевте да го поднесете неговото фалење како излегувал со многу жени, од такт се вадевте секогаш кога сакаше да биде главен во друштвото. За постепено да сфатите дека всушност ви се допаѓа неговата наметливост и моќ. Завршувањето на врската со таков човек може да донесе пријателство. По толку поминати кавги и несогласувања, луѓето учат одреден код на однесување за да не ги повторуваат таквите непријатни моменти. Тоа постепено преминува во почит за на крај да прерасне во зависност на еден од друг.
Трета ситуација: Раскинувањето поминало добро.
Додека сте биле во врска сте стекнале многу заеднички пријателства, вашите другарки и неговите другари обожаваат да излегуваат заедно. Но, одеднаш на вашата љубов ѝ доаѓа крај. Зошто другарствата да се расипат кога може сé да функционира исто. Не постои речиси никаква пречка ако раскинувањето поминало добро и двајцата се согласиле на тоа, да не продолжи комуникацијата. Не биле кажани никакви навреди, никој не направил грешка, што значи не постои омраза помеѓу нив, а тоа е главен фактор од кој зависи како ќе се продолжи понатаму. Поранешните партнери најдобро се познаваат, ги имаат разменето сите тајни за друштвото и многу лесно може да се поврзат во длабоко пријателство.
-
Разголете се емотивно, милувајте се и гледајте се во очи за да ви се спојат и душите. ... -
Можеби е вашиот партнер, можеби е пријателката, можеби е колешката од работа... ... -
Често перфекционистите се несреќни, но уште почесто токму тие се оние најуспешните. ...
.gif)
