.gif)
Девојките на форумот Not For Men дискутираа за тоа колку смееме да премолчуваме одредени работи во врска. Едно е сигурно, не можеме да зборуваме за љубов на долги патеки ако нема нешто што се вика отворена комуникација. Да, вистината знае да боли, но сепак е најчистото нешто што постои на овој свет.
Работите порано или подоцна ќе излезат на виделина и од дреболија ќе излезе сериозен конфликт. Тогаш се собира најголемиот гнев и партнерот едноставно може да се разочара од вас велејќи ви: Како можеше тоа да ми го сториш тоа зад грб, можеби од другите да, но од тебе не очекував...
Не секогаш ваквите кавги завршуваат со раскинување, но дефинитивно има последици. Префрлања, навраќање на минатото, желба за одмазда, недостиг од обврска за зборување и слично, што е уште пострашно отколку да ве остави.
Сé досега се разбираме, но што е со ситуацијата кога искреноста ве чини многу. Тргнувате од моралното начело да бидете искрена и на крајот завршувате понижена и отфрлена од својот сакан. Без потреба си направивте проблем.
Останува дилемата како да научите добро да проценувате? Кога треба да бидете итри и да премолчите некои работи? Ќе ја решиме дилемата преку пример од реалниот живот:
Првиот пример ни го раскажа Бојана.
Излегувам со момчето речиси две години. Можам да се пофалам дека врската ни е одлична, ретко кога се караме и навистина забавно го поминуваме заедничкото време. Една вечер бев излезена со пријателките. Како по обичај, следниот ден си раскажувавме кој како поминал. Додека јас раскажував „заборавив" дa споменам дека вечерта имав додворувач. Никогаш такви работи не сме криеле еден од друг, имало и ситуации кога сум давала некому број, а тој знаел за тоа и двајцата сме се смееле. Но овој пат премолчав бидејќи околностите беа поинакви. Додворувачот ми остави впечаток и се плашев да го споменам за да не се разоткријам. Претпоставувате што се случи понатаму, некој негов пријател ме видел и му кажал. По таа караница никогаш не ми кажува каде и со кого оди и како си поминал, а тоа особено ми недостига.
Ова е класичен пример кога премолчувањето може многу да ве чини. Секое човечко битие во тие моменти сака да врати надевајќи се дека ќе се чувствува подобро. А всушност и двајцата партнери патат поради влошената комуникација. Поштедете го од лагата, а себе си поштедете се од навлегувањето во детали, на оваа карта е паметно да играте. Сетете се како ве учевме?
Вториот пример ни го раскажа Андријана
Бевме излезени со неговото друштво и ви текнува машки како машки само се шегуваат еден со друг. Од шеги за мајките, сестрите, па сé до физички мани. Таа вечер целта беше тој. Другарите го задеваа како брзо се опивал и јас се надоврзав и ја раскажав случката како го фати од две чаши вино, дека почна да повраќа и дека морав сама на грб да го носам до дома. Тоа беше доволно за цела вечер да не го извадат од уста, а наредните неколку дена тој мене не ме извади од уста. Многу беше повреден зошто сум го кажала тоа. Потоа и јас се налутив зошто секогаш се лути за моите шеги, а не на оние од другарите.
Ова е случај кога навистина вашиот молк ќе значел многу за него. Има разлика кога го задевате насамо и кога тоа го правите пред неговите ценети другари. Во тие моменти тој се надева на вашата поддршка и најмалку што очекува е неговата љубена да учествува во правењето ИДИОТ од него.
-
Разголете се емотивно, милувајте се и гледајте се во очи за да ви се спојат и душите. ... -
Можеби е вашиот партнер, можеби е пријателката, можеби е колешката од работа... ... -
Често перфекционистите се несреќни, но уште почесто токму тие се оние најуспешните. ...
.gif)
