.gif)
Дали често ви се случува да се обвинувате дека немате време за семејството, за пријателите, за себе... дека немате време за ништо? Зошто е тоа така? Можеби затоа што работите неуморно или затоа што едноставно не сакате да се потрудите да си ги организирате обврските. Направете ја приоритетна својата животна рамнотежа!
Се разбира знаењето дека имате живот надвор од работата и правењето промени неопходни во животот се две различни работи. Ако за вас е важно да бидете посветени на тоа што ви е најзначајно, мора да одлучите од што сте подготвени да се откажете за да го направите тоа време на располагање. Ако вашето семејство е тоа што ви е најважно, можеби мора да го ублажите вашиот работен товар.
Направете приоритетна листа со обврските за денот, неделата и бидете задоволни со тоа што ќе успеете да го остварите. Достигнувањето рамнотежа во вашиот живот може да биде процес кој бара значајно време и напор. Тоа е слично на физичкиот фитнес, не можете едноставно само да одите на диета и избезумено да вежбате цел месец, мора да направите долгорочни одлуки за тоа како ќе го поминувате времето, на кои работи ќе им кажете ,,да" и кои работи заслужуваат да им кажете ,,не" и да се чувствувате пријатно со тие одлуки. Како и да е, сé е до разликите од личност до личност, до степенот до кој сите можеме да го истрпиме притисокот на времето и до способноста за организација на истото. Мора да побарате сатисфакција во вистинскиот живот надвор од работата. Како што финансов консултант не смее да стави сé на една акција така и вие не смеете да го ставите сиот емоционален влог во работата.
За тие, пак, што имаат семејство, не е исто да се биде вработена мајка и да се биде вработен татко (за сериозна кариера уште повеќе се гледа разликата). Мажот е секако главата на семејството, меѓутоа жената е вратот, жената е таа што ја движи главата, со што, автоматски, нејзините обврски се поголеми и кон семејството.
(Даниела 30) -„Мојот сопруг е одличен татко, ама тој ниту еднаш не бил отсутен од работа кога детето е болно (а тоа и не се очекува од него). И детето никогаш не го прашува зошто си доаѓа доцна, а јас секој ден треба да го издржам прашањето: кај си досега?
Со искрена цел да се постигне повеќе за семејството и пред сé за детето, некаде патем се губи целта - семејството.
А да не зборуваме колку работодавците мразат кога ќе им најавите дека ќе одите на породилно боледување од 9 месеци. Имам пријателка што ја изгуби работата поради тоа (едноставно и истече договорот и немаше шанса да потпише нов). Вакви работи не им се случуваат на мажите кога треба да создадат семејство, нели?
Никогаш не знаете што ви носи животот, некогаш сте горе некогаш сте долу...така што нема смисла да дозволите новата позиција, новата љубов, новата работа да ви го смени целосно животот, да заборавите кои сте, да заборавите на старите пријатели, да се запоставите себеси и сл. Сепак, зависи од вас како ќе си испланирате и како ќе си го поделите времето за да можете да им обрнете внимание на сите, па и на себе и никој да не се почувствува запоставено.
Само никогаш немојте премногу да се обвинувате за изборот што сте го направиле. Запомнете, вашите одлуки секогаш ви служат вам, сé додека не одлучите да ги промените.
-
Разголете се емотивно, милувајте се и гледајте се во очи за да ви се спојат и душите. ... -
Можеби е вашиот партнер, можеби е пријателката, можеби е колешката од работа... ... -
Често перфекционистите се несреќни, но уште почесто токму тие се оние најуспешните. ...
.gif)
