NotForMen

Не е лесно да му кажете на партнерот дека не сакате да ви ги гризе брадавиците како  ротвајлер или, пак, дека клиторисот всушност не е таму каде што тој ве допира. Доколку не му кажете што ве мачи, тогаш си го загрозувате својот сексуален живот и тоа на долги патеки. Можеби на почетокот на врската ќе ви биде незгодно, но веднаш штом сфатите дека таа станува сериозна, укажете му на овие работи и не плашете се дека погрешно ќе ве сфати. Колку порано, тоа подобро. Доколку тој не се потруди работите што ве мачат да ги смени, тогаш  значи дека  воопшто не се оптоварува со вас, односно со тоа што вие го сакате или ви пречи.

Тој лошо се љуби - вие се однесувате како да е Казанова

Додека се љубите, тој како да пробува да ви ги извади крајниците или мрда со јазикот како змија. Немојте истата вечер да му го дадете и последниот бакнеж, дајте му шанса и време, поработете на неговиот стил. Можеби со ваша помош ќе успее тоа да го поправи. Прво пофалете го, а потоа предложете му да пробате нов начин. Наречете го тоа „нова техника", а не „подобра техника" и тој нема да се чувствува како да добил шлаканица.

Се преправате дека го сакате неговото простачко однесување

Кога партнерот во текот на сексот ќе ви викне „ајде срце, јавај ме" или некои слични вакви реченици што ги запомнал од некој порнофилм, тогаш, очигледно не знаете дали да плачете или да се смеете. За да го одбегнете ваквото однесување и ваквите не секси реченици, пред сексот кажете му што вие сакате да слушнете. На пример „не ме возбудува кога ми викаш дека сум..., но затоа полудувам кога ќе ми кажеш..."

Вашиот оргазам? Лажен!!!

Глумењето оргазам на подолг период нема да донесе ништо освен незадоволство и незадоволување на жената. Ако го лажете партнерот, никогаш не можете да заклучите што е тоа што ве фрла на коленици. Исто така, нема да му дадете можност да се потруди и да ја подобри ситуацијата. Наместо тоа, го туркате во спротивна насока - кога го уверувате дека тоа што го прави е неверојатно добро и дека никогаш со никој не ви било тоооооолку добро...Одвикнете се од лажење - не мора веднаш да му признаете дека, всушност, цело време сте глумеле, но почнете да му покажувате што вие навистина сакате. Водете ја играта сè додека тој не ја допре вистинската точка и тогаш дадете му до знаење дека открил „златен рудник".

Дооооооолг секс!

Точно е дека можете да издржите долго и кога не сте расположени за тоа. Иако вашиот партнер е горд на својата издржливост, вие сепак не сте заинтересирани за маратон. Многу од мажите веруваат дека долгиот секс е најдобар и дека нуди огромно задоволство. Затоа во текот на долгиот секс, доколку гледате дека тоа што го правите нема крај, шепнете му на уво дека не мора да глуми „напален мајмун". Кога ќе сфати дека не сакате да влезете во Гинисовата книга на рекордите, ќе му биде уште поубаво да ве поведе на брзо, но слатко „возење".

• 
  Од просечен секс до одличен секс!
  Разголете се емотивно, милувајте се и гледајте се во очи за да ви се спојат и душите. ...
• 
  Писмо до сите мои „непријатели“
  Можеби е вашиот партнер, можеби е пријателката, можеби е колешката од работа... ...
• 
  Перфекционизам до болка!
  Често перфекционистите се несреќни, но уште почесто токму тие се оние најуспешните. ...