NotForMen

Имате прекрасен живот, партнерот ве обожава, имате одлични пријатели кои ве почитуваат и ве сакаат...но, одеднаш од небесните височини трескате на земја: вашиот партнер ве изневерил, на работа ви е хаос поради што може и отказ да заработите, пари нема...Дали вашиот свет пропадна? Нормално дека НЕ! Во деновите на криза и очај, повеќе од секогаш, мора да научите како да се изборите за себе и да станете посилни. Ние ве советуваме како да се справите со проблемите:

1.„ОНОЈ ВИСТИНСКИОТ" ВИ РАСКИНА

Навистина е тешко е да се биде оставен, особено кога верувате дека сте во врска со некој што е добар за вас. Но, ако е така, тогаш тој ќе беше со вас и немаше да биде бивши. Мора да се соочите со прекинувањето на врската и да ги преболите емоциите кои секојдневно се множат, но исто така, мора да знаете како да ставите крај на тоа поглавје од животот. Не ви останува ништо друго освен да го преболите партнерот и да преживеете. За почеток обидете се да мислите на нешто друго, а не само на тоа како тој ве оставил. Ако така ви е полесно, одвојте малку време во денот кога ќе се сетите на заедничките спомени и ќе се изнаплачете,  но не дозволувајте по цели денови да го правите тоа. Концентрирајте се на нештата што ги сакате, некое хоби, нешто што навистина ве исполнува, па со текот на времето ќе ви биде полесно. Но никако не смеете да помислите дека најлесно ќе го заборавите ако му скокнете во креветот на некој друг кој сте го запознале во барот додека сте ја „убивале" тагата. Бидејќи по тоа ќе бидете уште понесреќни. Нема ништо друго освен себично да си се посветите себеси, да си угодувате, и така, малку по малку, да заборавите и да преболите.

2.ПРИЈАТЕЛКАТА ВИ ГО ЗАВРТЕ ГРБОТ

На повеќето од нас пријателите им се важни исто како и семејството. Затоа ваквата состојба може многу да нè разочара. Ако некогаш дојде до тоа вашата пријателка да ви го заврти грбот кога ви е најпотребна, можеби некој што најмногу може да ви помогне е вашиот заеднички пријател. Нему секогаш му се достапни информации за секоја од вас. Можеби во нејзиниот живот се случува нешто што не знаете или постои нешто во врска со вас кое таа не може да го поднесе. Што и да е, исфрлете ја идејата за одмазда и размислете дали сакате да ѝ дадете втора шанса. Побарајте објаснување и разговарајте искрено.

3. ДОБИВТЕ ОТКАЗ

Ни случајно немојте да се врткате наоколу како претепано куче и да плачете врз својата „несреќна судбина". Секако дека имате право да бидете разочарани, но не и да ја изгубите надежта. Во секој случај, подобро ќе се соочите со проблемот ако не дозволите да ве обземе чувството на загубеност. Ако дозволите да ве совлада депресијата поради тоа што сте ја изгубиле работата, така само ќе ја замаглите можноста за реално согледување на состојбата. Што и да е причината за вашиот отказ, не очајувајте. Ваквата ситуација е одлична можност да се прашате дали вашата кариера се движи по насоката што вие ја сакате. Размислете и откријте го вистинскиот пат за себе. Можеби на крајот ќе заклучите дека отказот е најдобрата работа што ви се случила во животот. А и нема да бидете први!

4. СОСЕМА  СТЕ БЕЗ ПАРИ

Само колку да знаете, не сте вие единствените во светот, а има и полоши. Начини за финансиско закрепнување и излез од кризата има повеќе. Обидете се да побарате помош од банката чија кредитна картичка користите, но бидете внимателни, не барајте го тоа што не можете да го вратите - банките постојат благодарение на тие што немаат пари. Пронајдете ја дупката во џебот. Запишете си ги сите трошоци, а потоа размислете од што можете да се одречете. И немојте да мислите дека малите работи не се бројат.

• 
  Од просечен секс до одличен секс!
  Разголете се емотивно, милувајте се и гледајте се во очи за да ви се спојат и душите. ...
• 
  Писмо до сите мои „непријатели“
  Можеби е вашиот партнер, можеби е пријателката, можеби е колешката од работа... ...
• 
  Перфекционизам до болка!
  Често перфекционистите се несреќни, но уште почесто токму тие се оние најуспешните. ...