САМОКОНТРОЛА:
Отворената расправија со колегите е најлошата реакција што можете да ја направите
Зајадливите колеги кои ви подметнуваат замки, им се лигават на претпоставените, прават се за да створат напнатост помеѓу вас и нив, понекогаш не можете да ги избегнете. Отворената расправија со ваквите колеги е најлошата реакција што можете да ја направите. Така само ќе се понижите себе си пред сите други колеги. Од друга страна пак, ако премолчите, така само ќе им дозволите да продолжат да се однесуваат лошо со вас. Најдобрата реакција во ваквата ситуација е суптилната агресија. Разговарајте со претпоставените. Немојте да озборувате, разговарајте отворено и кажете им што ве мачи. Кога ќе расчистите со нив, кон личноста која ви создава проблеми однесувајте се пристојно и професионално. Можете само, кога ќе почне со правењето на сплетките, мирно да и кажете дека тоа што го зборува не е вистина и да престане веќе еднаш со тие смешни, непрофесионални и простачки работи за мали деца.
ЦЕНЕТЕ СЕ СЕБЕ СИ
Ако во некоја работа сте НАЈДОБРИ , тогаш немојте тоа да го негирате
Ако во некоја работа сте НАЈДОБРИ , тогаш немојте тоа да го негирате. Уживајте во благодетите на своите успеси и пофалници, но немојте да заборавите да ги споделите со екипата која работи заедно со вас. Никогаш немојте да заборавите дека тоа што сте најдобри не значи дека вашите колеги се најлоши во својата работа. Ако станете арогантни поради вашиот успех, на почетокот ќе отидете далеку, но подоцна ќе сфатите дека сте далеку од целта кон која сте се стремеле. Ќе создадете повеќе непријатели отколку што можете да замислите.
РАБОТНА ОКОЛИНА
Работното место мора да биде забавно и место во кое ќе се ужива во вршењето на работата. Една личност поминува во просек 7-10 часа на тоа место. Ако не е забавно и удобно место, тогаш мотивацијата не може да биде постигната. Луѓето можат да работат, да се социјализираат и да се смеат во исто време! Тоа може да биде постигнато.
ПРЕБРОДЕТЕ ЈА КРИЗНАТА СИТУАЦИЈА
Психолозите тврдат првиот чекор за совладување на кризните ситуации на работното место е прифаќањето и осознавањето на кризата
Кога некој важен проект ќе западне во криза, не смеете да се откажете или да се трудите да ја прикриете кризата. Психолозите тврдат првиот чекор за совладување на кризните ситуации на работното место е прифаќањето и осознавањето на кризата, а не нејзино негирање. Кога нешто ќе тргне на лошо, веднаш известете ги сите околу себе за проблемите, прашајте ги за совет, побарајте помош, слушнете што ве советуваат, прифатете соработка. Бидете флексибилни. Ако не почнете да истражувате каде ви е грешката, дури и да смислите потполно други планови за акција, никогаш нема да дознаете каде всушност сте погрешиле. Разговарајте и вклучете ги сите ваши колеги.
