NotForMen

Со момците е лесно. Нормално дека е голем плус да сте по спортот или да откачувате на видеоигри . Но, постојат многу поедноставни методи што може да ви се најдат на првиот состанок.

Не зборувајте само за себе.

Мажите имаат став дека жените уживаат да зборуваат само за себе. Затоа пријатно ќе го изненадите доколку поставувате прашања за неговиот живот. Без разлика дали се работи за неговата кариера, излегување, музика, се е добредојдено. Со ова сте оставиле впечаток дека сте девојка што знае да го одржува разговорот. Ако за вас е комплимент дека сте убаво облечена, за него е покажување интерес.

Откријте му тајна.

Споделувањето на некоја мала тајна за вас ќе ве поврзе на самиот почеток. Можете да му кажете ако се плашите од куче или од височина. Раскажете му некоја непријатна случка што ви се случила и притоа потенцирајте дека се срамите пред другите да зборувате за тоа за да не помислат дека сте чудна. И да не е вистина, целиот град да знае за тој факт, сепак тој ќе се чувствува посебно. Патем, ќе знае како да се постави кога случајно ќе ви се доближи некое куче-скитник, барем кај нас ги има на секој чекор.

Бидете природни во непријатните ситуации.

Непријатните ситуации се па...непријатни. И по некое правило секогаш се случуваат во вакви моменти кога сакаме се да биде совршено. Токму тогаш мора да ни се истури кафето, да се сопнеме некаде, или да направиме погрешна процена како треба да се разделиме со бакнеж в уста или образ. Сосема нормално е да се засрамите и да бидете збунета отколку да глумите дека ви е сеедно. Сигурно ќе му биде симпатична вашата трема и возбуда која очигледно е поради него.

Споменете го вториот состанок.

Обично мажите се жалат дека не можат да проценат дали девојката е заинтересирана за повторна средба или не. И на крајот излегува дека се упорни и цело време напнуваат со поканите за средба. За да го избегнете ова, вие бидете таа што ќе ја спомене темата за второ излегување. Не мора тоа да го направите директно и да прашате кога планира пак да излезе со вас. Споменете од околу дека одамна имате желба да одите во кинески ресторан, да гледате некоја добра претстава во театар, да шетате во парк...

• 
  Од просечен секс до одличен секс!
  Разголете се емотивно, милувајте се и гледајте се во очи за да ви се спојат и душите. ...
• 
  Писмо до сите мои „непријатели“
  Можеби е вашиот партнер, можеби е пријателката, можеби е колешката од работа... ...
• 
  Перфекционизам до болка!
  Често перфекционистите се несреќни, но уште почесто токму тие се оние најуспешните. ...