Од сите работи што жените треба да се заштитат, силувањето избива на првото место на најопасни. Силувањето не е само физички напад или сексуален чин како што мислат повеќето луѓе, туку грозоморен чин на насилство кој секогаш остава емоционална лузна што тешко може да се излечи. Жените кои поминале низ ова, им е тешко да имаат сексуални односи, а уште потешко да веруваат во другите луѓе. Еве неколку мерки што можете да ги примените за да се заштитите:
БИДЕТЕ ВООРУЖЕНА
Со ова не се подразбира да носите некое огнено оружје, туку некои други заштитни направи што можат да бидат ефикасни, но не и смртоносни. Бибер спреј или пак мало ноже кое ќе го исплаши потенцијалниот силувач. Овие средства за заштита се доволно ефикасни и побезбедни отколку да се шетате со огнено оружје во чанта.
БИДЕТЕ ПРЕТПАЗЛИВА КОГА СТЕ НАДВОР
-Силувачите генерално имаат тенденција да напаѓаат жени кои не делуваат многу активни и кои изгледаат како да се движат без некоја цел. Експертите тврдат дека доколку делувате сигурни и одите исправено можете да го запрете силувачот од неговата намера.
-Ако одите сама, тогаш избегнувајте ги темните улички и оние што не изгледаат сигурно. Никогаш не обидувајте се да одите по напуштени и празни места, само за побрзо да стигнете. Секогаш движете се по главната улица.
-Не се движете сама по улици во доцните часови. Фатете си такси до местото каде што одите или пак нека ве превезе некоја пријателка. Ако веќе морате да одите сама тогаш движете се побрзо и одберете правец што не е толку напуштен.
-Не влегувајте во лифт сама со некој што не го знаете или пак ви делува сомнително. Ако се најдете во ваква ситуација, тогаш бидете блиску до излезната врата од лифтот и до контролната табла.
-Секогаш бидете запознаени со местото каде се наоѓате во случај да се најдете во неволја и да можете да повикате некој и лесно да му објасните каде сте.
-Многу жени биле нападнати пред да влезат во својата кола. Затоа не паркирајте се било каде и секогаш клучот нека ви биде во рака уште пред да се приближите до возилото.
БЕЗБЕДНОСТ ВО ДОМОТ
-Внимавајте местото пред вашата куќа или стан дали е сигурно. Разгледајте убаво дали има некоја сенка.
-Секогаш погледувајте од окцето на вратата кој е пред неа. Не си дозволувајте да отворите пред да дознаете. Ако е некој странец пред вашата врата, прашајте кој е пред да отворите и направете го тоа само ако сте задоволни од одговорот.
-Вратите секогаш нека ви бидат убаво заклучени. Дури и да живеете на многу безбедно место, никогаш не ја оставајте вратата отворена, дури ни на неколку минути. Многу жени мислат дека злосторникот никогаш не би се осмелил да влезе во некој дом само затоа што тоа место е обезбедено.
НА ЗАБАВА
-Постои алармантно зголемување на бројот на жени кои биле сексуално нападнати на јавни собири. За да се заштитите кога сте на состанок, не прифаќајте пијалоци од некој кој не го познавате. Дури и да го познавате (не доволно) подобро е сама да си земете пијалак. Ако сте го оставиле некаде пијалакот, дури и на пола минута, немојте да ја пиете.
Иако овие совети нема целосно да ве заштитат од силување, барем ќе успеете да ги минимализирате шансите да се случи такво нешто. Со присуствување на неколку часови за самоодбрана и носење средства за заштита, ќе го добиете најдобриот начин на безбедност. Сепак вие треба да ги земете работите во ваши раце. Ако чекате некој да ви помогне ......тогаш би можело да биде доцна!
