.gif)
Пријателството после врска е само желба да не го изгубиме покрај себе она што долго сме го имале.
Дали и вие сте роб на заблудата дека после долгогодишната љубов и бессоните ноќи на допири и милувања, сепак постои пријателство? До вчера ги делевте најинтимните емоции, а денес сте способни да го слушате како раскажува за својата нова девојка? Затоа што нели, сепак и тоа е дел од пријателството.... Знаете како велат, таму каде што некогаш имало оган секогаш ќе има чад, па така и во вашето срце, без разлика на вашата решителност, секогаш ќе има ронка емоција, а во мозокот некој залутан спомен.
Најжешките врски, секогаш го имаат најстудениот крај. Само недоволна емотивна поврзаност во текот на една краткотрајна врска би можела да заврши со пријателство или пак емотивно заокружена приказна од двете страни. Секако чест на исклучоците!
И не малкумина ќе речат: „Љубов после пријателство...ДА! Ама пријателство после љубов...НИКОГАШ !!!". Секоја заедничка средба би изгледала како помен на врската, со навраќање на болни спомени и измешани чувства. Секогаш еден е виновникот во очите на другиот, без разлика дали причината за прекин на врската било неверство, постојани несогласувања или едноставно љубовта престанала.
Пријателството после врска е само желба да не го изгубиме покрај себе она што долго сме го имале и потајна надеж за повторно средување на работите. Дури 80 проценти од луѓето веруваат во ова, а останатите 20 проценти, оние непоправливи романтичари, на овој начин само се залажуваат себе си и го одложуваат периодот на страдање.
Културното отпоздравување на улица со бившиот партнер и некој лабав разговор се најдобрата дистанца за средување на мислите и чувствата и продолжување понатаму со животот. Само не навраќајќи се секоја ноќ на она што поминало, туку сонувајќи за она што ќе го донесе утрото,ќе успееме да ги затвориме портите на минатото.
-
Разголете се емотивно, милувајте се и гледајте се во очи за да ви се спојат и душите. ... -
Можеби е вашиот партнер, можеби е пријателката, можеби е колешката од работа... ... -
Често перфекционистите се несреќни, но уште почесто токму тие се оние најуспешните. ...
.gif)
