.gif)
Пративте CV на над 50 места, а од повеќето од нив ни траг, ни глас.
После четиригодишно макотрпно вложување во својата иднина, учење и бессони ноќи, конечно дојде време за практична реализација на оваа долгогодишна инвестиција започната од најрани години во основното училиште, па средно училиште и на крај факултет. Ги крунисавте додипломските студии, но барем за сега единствено што добивте е дипломата на ѕидот, а со оглед на брзината на нашиот образовен систем најверојатно тоа е само Уверение.
Со уверението под рака, полни со елан тргнавте во потрага по работа од соништата, онаа по која копнеевте уште во средно училиште и која ве натера да се запишете токму на факултетот кој сега го завршивте.
Куп неодговорени мејлови
Најди работа, вработување, барам работа и многу други беа само дел од вашите секојдневни web дестинации, а огласниците и распрашувањето по пријателите не беа ни скалило подолу на вашата листа на дневни задачи.
Пративте CV на над 50 места, а од повеќето од нив ни траг, ни глас. Некогаш ќе ве израдуваше некој повратен мејл, но тоа ќе беше само чиста формалност дека сте влезени во изборот и слично.
После повеќе обиди и многу напишани мотивациони писма конечно добивте датум за интервју. Малку понадежни, исполнети со позитивна трема заминавте на првото од редицата интервјуа.
Редица интервјуа
На првото сфативте дека интервјуто е чиста формалност, а човек за тоа работно место е одамна одбран, можеби и вработен, а сега е ред само законски да се пријави.
На второто се погоди газда со неморални вредности на кој поважно му е како изгледате и колку се „широки" вашите погледи отколку дали имате квалификации за соодветното работно место.
На третото интервју конкуриравте, бидејќи повеќе и немавте каде, за работно место кое е сосема различно од вашата струка или можеби за кое и воопшто не се бара високо образование. Потковани со искуство од претходните заминавте да ја одиграте ролјата на неамбициозна девојка која никогаш во животот нема да посака да работи нешто соодветно на нејзината диплома. Искрено го убедувавте сопственикот дека продавачка е се што сакате да бидете во животот, но дури и за таму конкуренцијата е огромна. Река од апликации се пристигнати на неговиот мејл, а после вас чекаат уште 5 девојчиња.
Работа што не ја сакате
Отидовте таму, но и сама недоволно сигурна дали воопшто имате желба тоа да го работите тоа. Но работете! Прифатете ја работата затоа што било која работа е подобра од бесцелното седење дома и оптоварување на умот со вашата несреќа и неуспешност. Откога ќе го прифатите предизвикот да започнете од негде, вложете максимален труд, само така ќе најдете смисла во таа работа која не ви е по желба и ќе се чувствувате поисполнети.
Паралелно со тоа вие слободно следете ги огласите и барајте си ја својата работа од соништата затоа што таа ќе се појави кога најмалку очекувате, а таму некаде сепак постојат луѓе кои го ценат квалитетот, а не врските или партиската книшка. Барајте работа, но не исполнувајте се со негативни чувства после секој доживеан неуспех затоа што големиот пресврт доаѓа кога најмалку очекувате!
-
Разголете се емотивно, милувајте се и гледајте се во очи за да ви се спојат и душите. ... -
Можеби е вашиот партнер, можеби е пријателката, можеби е колешката од работа... ... -
Често перфекционистите се несреќни, но уште почесто токму тие се оние најуспешните. ...
.gif)
