.gif)
Вашиот партнер исто е во годините кога мора професионално се докажува, па не е некој голем ентузијаст кога ќе му предложите нерационална авантура.
Дипломиравте и по сценарио како од соништата, многу наскоро се вработивте на работно место соодветно на вашето образование. Среќни со насмевка на лицето, не од шестка до шестка, туку од осмица до осмица, тргнавте во животниот предизвик наречен кариера.
Но после краткотрајниот неколку месечен ентузијазам, се разбуди синдикалецот во вас кој ги бара своите права и наизуст ги научи сите закони за правата на работниците. Причини за ова има безброј, но да разгледаме само дел од нив.
Смртта на забавите и пијанките
Петоците повеќе не се она што некогаш беа, кога знаете дека следното ден треба да станете во 7 часот наутро. Чашата вино во град ја заменивте со досадно кафе и сок, а дискотеката со кино или кафуле.
Преку ноќ како да остаревте за 10 години, а сите ваши младешки лудории останаа заробени во довчерашната „младост- лудост“.
Денес се што правите се осум работни часа, попладневна дремка, неколку часовна прошетка и повторно спиење, а утре? Утре се одново и одново... И така заробени сте во магичниот круг на вашата професионална надградба која полека ве прави депресивни и носталгични по времињата кога се враќавте во 5 часот наутро, а спиевте до еден часот попладне.
Ахх таа сабота
Саботата, единствениот ден кога можете да излезете без да мора да погледнувате постојано во часовникот, исто така го изгуби својот сјај. Да, бесценета е затоа што знаете дека е единствена, но уморот и сонот не прашуваат за дозвола, па така и оваа сабота ја поминавте потпрена на едно сепаре, жедно чекајќи ја одлуката на друштвото да заминете по дома.
Но зрак светлина во сето ова сивило се оние саботи кога успеавте да украдете 2 часа пладневна дремка и полни со елан како средношколец во петок се отворивте до раните утрински часови.
Досадни пријателки и партнер
Пријателките ретко кога ги гледате затоа што и тие станаа сериозни жени со работни обврски, а многу од нив и со партнери „за озбилно“.
Вашиот партнер исто е во годините кога мора професионално да се докаже бидејќи без тоа дипломата може да му остане само украс закачен на ѕидот, па така не е некој голем ентузијаст кога ќе му предложите авантура да заминете во некој ноќен поход, а изутрина да се борите на работното место со подочниците и натежнатите капаци на очите.
И си велите се е така досадно, како во неповрат да замина таа динамична девојка која излегуваше секојдневно, а лудите забави беа неизоставен дел од нејзиното неделно мени. На моменти и си помислувате среќа што имам партнер покрај себе, затоа што да го барате сега, со ова темпо на живот каде се ви се сведува на работата, ви изгледа како невозможна мисија, па дури и за Чак Норис.
Хронично ненаспани
Во недела спиете најкасно до 9 часот поради промената во вашиот биоритам, иако тоа ви е единствениот ден во седмицата кога можете да уживате во прегратката на вашата постелнина, без мирот и комфорот да ви го уништи омразениот телефонски аларм.
Зрак светлина
За да ја залиете вашата разочараност, од начинот на живот кој ви започна сега, а ве очекува до крајот на животот, земете чаша вино, помислете на фустанот кој ќе можете да си го дозволите од следната плата и сетете се дека од лошото има полошо.
Полошо од ова е да седите дома без работа, да земате пари од родителите, да гледате по 3 филма на ден бидејќи сите познаници ви работат, да пиете по 5 кафиња од досада, секојдневните излегувања да бидат ваша единствена „обврска“ и токму затоа да изгубат од сјај.
Вака, вработени, можеби сте досадни, но барем сте корисни жители на оваа ни мала Македонија!
-
Разголете се емотивно, милувајте се и гледајте се во очи за да ви се спојат и душите. ... -
Можеби е вашиот партнер, можеби е пријателката, можеби е колешката од работа... ... -
Често перфекционистите се несреќни, но уште почесто токму тие се оние најуспешните. ...
.gif)
