.gif)
Но тие секогаш ја слушаат едната страна од приказната, дали тоа е доволно за правилен суд? Кога момчето престана да има право на глас?
Сингл, во врска, мажени, разведени, стари моми, вдовици сите станаа советници експерти на тема скршено срце, вистинска љубов или емоционални двоумења.
Сигурно и вие сте дел од нив, а на последното испиено кафе со вашата блиска пријателка за само 2 часа ја воскреснавте сета нејзина поранешна врска, а во секоја можна глувчешка дупка го побаравте одговорот за прекинот на нивната љубов.
Долги сеанси на љубовни терапии, обезвреднување на поранешното момче или жалби од суровоста на животот се повторно на менито. Забавно поминато време и емотивно празнење, зар е потребно нешто повеќе?
Советници илјада и еден
И вие раскинавте со дечкото или пак вчера ја имавте најжолчната расправија со него? Време е за детален опис и анализа на ситуацијата, емпатија со вашата пријателка и ставање во туѓа кожа, па нејзини размислувања, ставови и можни решенија, а солзите во нејзините очи за некој ваш проблем не се невозможна појава.
Потоа ја прашувате својата мајка за слични искуства, ја барате нејзината поддршка, а советот „Следи го срцето“ е неминовен од неа. Па тука е другата пријателка онаа феминистка во душа, која секогаш ве советува „Ниту едно момче не е вредно за твоите солзи“, па вашиот татко „Ќе го обесам тој клапчо што те нервира“, па сестра ви со сета романтика на нејзината душа и фразите од „Се за љубов“ и редица други консултанти во оваа ваша мала драма.
Едната страна на приказната
Но тие секогаш ја слушаат едната страна од приказната, дали тоа е доволно за правилен суд? Кога момчето престана да има право на глас?
Можеби несвесно лажно негативно го претставувате!
Можеби вашата проценка за неговиот мал полов орган е субјективно гледање, можеби вашите советници да го виделе истото ќе го оценеле како сосема нормален, па дури и надарен маж? Можеби ги пренесувате неговите искажани ставови од збор до збор, но ги заборавате неговите студени раце и трепетот на неговиот глас?
Тој може да е најпрекрасниот маж, таков за каков што вашите пријателки можат само да сонуваат, а вие со вашите негативни коментари за него, го омаловажувате во нивните очи и го ставате на тапет на сечие мислење, тие нормално ве поддржуваат, вие раскинувате и продолжувате понатаму, несвесни дека тој е можеби најдоброто што некогаш ќе го имате.
Можеби свесно лажно позитивно го претставувате!
Или пак да одиме во една сосема друга крајност, вашите блиски луѓе можеби ја знаат само розовата страна на приказната, милните зборови на заедничките прослави, насмевките на вашето лице и романтичните пораки во 3 часот по полноќ, но дали се осмеливте да им кажете дека само пред 2 седмици тој ви го приреди најболното искуство во вашиот живот? Точно пред 14 дена вие го фативте на неверство или тој се осмели да крене рака на вас, но сето тоа го проголтавте во себе се со цел само да не ја расипете розовата слика за вашата врска. Ги слушате нивните зборови колку тој е совршен и само се уверувате себе дека морате да го проголтате повреденото его и да продолжите понатаму.
Но дали тие ќе го кажат истото за срамежливото културно момче кое зад затворени врати спие со секоја развратничка на патот или начинот на искажување љубов му е физичко насилство?
Одговорот лежи во вас
На крајот и после сите разговори и добиени совети и пренесени емоции, сепак одговорот го наоѓате длабоко во вас, затоа што без разлика колку да раскажувате и прераскажувате само вие ја знаете целосната вистина, околностите и автентичната ситуација.
-
Разголете се емотивно, милувајте се и гледајте се во очи за да ви се спојат и душите. ... -
Можеби е вашиот партнер, можеби е пријателката, можеби е колешката од работа... ... -
Често перфекционистите се несреќни, но уште почесто токму тие се оние најуспешните. ...
.gif)
