.gif)
Затоа ако не сте го направиле тоа, од денес поставете си мисија! Ќе бидам подобар човек, ќе научам да простам и заборавам.
„Убава си многу наскоро ќе се појави вистинското момче“, „ти си добар човек заслужуваш се најдобро во животот“, „можеби е наркоман, но има навистина добра душа“ и ред други слични изјави како река течат од вашата уста.
Гледањето во светлото на крајот од темниот тунел стана ваше секојдневие, созреавте, научивте да ги цените малите работи, да се надевате на големите и во секој миг од денот сте свесни дека од лошото има полошо, па затоа го барате доброто во денот.
За да го најдете доброто во денот треба да го барате пред се доброто во луѓето.
Оптимизам!
Огорченоста, казнувањето на грешките на партнерот, враќањето на злобниот коментар на другарката, предрасудите и долгото паметење на грешките на другите сфативте дека само ви го загорчуваат животот. Огорченоста само ви ја труе душата, а луѓето тешко можете да ги промените.
Затоа ако не сте го направиле тоа, од денес поставете си мисија! Ќе бидам подобар човек, ќе научам да простам и заборавам. На моите пријателки секогаш ќе им ги дарувам најоптимистичките совети затоа што верувам дека така и ќе биде, а и да не биде така со гледање на темната страна нема да посигнам никаков ефект.
Позитивните карактеристики!
Ако вашата пријателка ве иритира како постојано ги озборува луѓето, променете ја темата, сконцентрирајте се на нејзината одлична смисла за хумор и уживајте во тоа. Другата знае навистина да ве извади од такт кога и се потребни 5 дена за да одлучи дали сака да појдете до Охрид на викенд, но помислете само колку пати ви се нашла при рака кога сте имале потреба од искрен разговор, партнерот во последно време како да не ви обрнува доволно внимание.... Редно време е наместо со инает и враќање во иста мера, вие да му посветите повеќе внимание и да не му префрлате за тоа, па сетете се на оној период кога имавте речиси цел депресивен месец и се истуравте врз него, а тој ги трпеше вашите испади и драми. Вашата мајка ве изнервира повторно со нејзините негодувања околу изборот на вашиот партнер? Па сетете се само на вчерашниот вкусен ручек и на поддршката пред вашиот татко секогаш кога ви е потребна.
Започнете да не го оптоварувате умот со непотребна лутина, памтење на повредите од минатото и фокусирање на лошите карактеристики на луѓето. Барајте го доброто во луѓето, за и тие да го видат доброто во вас!
-
Разголете се емотивно, милувајте се и гледајте се во очи за да ви се спојат и душите. ... -
Можеби е вашиот партнер, можеби е пријателката, можеби е колешката од работа... ... -
Често перфекционистите се несреќни, но уште почесто токму тие се оние најуспешните. ...
.gif)
