NotForMen

Вие сте доволно вредна за да бидете искрено љубена, доволно паметна за да бидете ценета и доволно луда за да пресечете кога никој не се надева.

Од денес свртете нов лист или само продолжете самоуверено да чекорите по веќе истрасираната патека кон сопствената среќа. Се обидовте и поинаку, да живеете за среќата на другите, но ако вие не сте тој тип на човек не си фрлајте сенка врз вашиот лик и дело. Останете доследни на вашиот карактер, ставови и принципи бидејќи само така ќе бидете задоволни од сами себе.

Луѓето знаат да ве повредат и страшно да ве разочараат, но треба да се навикнете на тоа само како на компонента од животот. Исплачете се убаво, испразнете се од сите негативни емоции и потоа живејте за добрите мигови. Ако си поставите цел денес да ви биде среќен ден, а во умот да им забраните пристап на сите периферни проблемчиња, кои ве прогонуваат, тогаш многу веројатно ќе ве прати позитивно расположение во текот на целиот ден. И не заборавајте, барајте го најдоброто во луѓето!

Мааната на нас, жените, е што зад секој мал проблем ни доаѓа бура до идеи за слични такви од минатото и за неколку мигови не преплавуваат несреќите од последните 2 години. Која е поентата да се навраќаме на минатото? Кога еден проблем е решен, треба да го оставиме таму и да го закопаме.

„Јас сум своја божица, јас го диктирам темпото на мојот ден и случувањата во мојот живот“, кажете го ова пред себе и од денес ветете си дека ќе се изолирате од се и секој што ве прави несреќна.

Вие сте доволно вредна за да бидете искрено љубена, доволно паметна за да бидете ценета и доволно луда за да пресечете кога никој не се надева. Скратете ги лажните пријателства и енергијата посветете ја на новата пријателка, која го обожува вашето друштво и иако ве знае само неколку месеци веќе ви ги доверува своите најскриени тајни. Прекинете ја врската каде што не чувствувате обострана љубов, возвратете му на насмевката на новото слатко момче кое ја користи секоја пригода да ви го чуе гласот или да ви пише прв на Фејсбук, можеби токму во него се крие вашата среќа. Од роднините не можете и не смеете да се одделите, но затоа поставете правила на игра. Дистанцирајте се и давајте онолку колку што добивате.

Време е да го живеете својот живот сами за себе и лесно да пловите низ среќните денови кои допрва доаѓаат.

• 
  Од просечен секс до одличен секс!
  Разголете се емотивно, милувајте се и гледајте се во очи за да ви се спојат и душите. ...
• 
  Писмо до сите мои „непријатели“
  Можеби е вашиот партнер, можеби е пријателката, можеби е колешката од работа... ...
• 
  Перфекционизам до болка!
  Често перфекционистите се несреќни, но уште почесто токму тие се оние најуспешните. ...