.gif)
Дел од вас ќе ги соберат последните сили и ќе започнат да трчаат колку ги држат нозете во насоката од која што дошле.
Замислете ситуација... Три часот по полноќ, вие се движите во вашето мрачно соседство или било кој дел од градот каде жителите веќе одамна спијат, а светлата од куќите се безмалку сите мртви.
Тивката улица беше таква до пред само неколку мига, а сега ненадејно тишината почнаа да ја пара лаежот на три улични кучиња, а како да не е сето тоа доволно тука е и Шарпланинецот на соседот, кој само ја зголемува тензијата.
Вашето тело го облева студена пот, а нозете ви се пресечени. Што ќе сторите?
Изборот е на вас
Дел од вас ќе ги соберат последните сили и ќе започнат да трчаат колку ги држат нозете во насоката од која што дошле. Погрешен избор! Кукавички ја предизвикувате судбината. Вашиот страв излегува на површината, а тоа е се што е потребно да почувствуваат предаторите.
Дел од вас вкочането ќе застанат во место или пак многу внимателно чекор по чекор ќе се враќаат наназад, при секој еден од нив гледајќи ја реакцијата на предаторите. Иако во моментот сакате да бегате, вие само дишите длабоко за да го намалите трепетот на вашето тело и да го контролирате стравот.
Низ главата размислувате на секоја можна опција, да го разбудите вашиот татко, ако се наоѓате во соседството и да почекате на страна или пак да го разбудите непознатиот човек кој живее во најблиската куќа. Но набргу сфаќате дека сето тоа е нерационално и потрошено време и стрес врз овие луѓе, па така се наведнувате на земјата земате 2 поголеми камења, но не со цел да ги искористите, туку како вашата неопходна доза на самодоверба и започнувате да чекорите во пресрет на лаежот и на разбеснетите ноќни предатори. Секој чекор бавен и одмерен, рацете силно прилепени до вас и пред да се свестите во вашата рака е клучот од вашиот дом.
Пранги на стравот
Несвесни ја победивте опасноста со моќта на самоконтролата. Вие ставивте пранги на стравот, паниката и нагонот да побегнете. Кога ви гореше под нозете успеавте да останете рационални и свесно ја донесовте вистинската одлука. Дали ова го поседува секој или само најсилните? Или пак во време на фатална опасност секој се фаќа за најмудрата одлука?
Ако ја имавте способноста тогаш да изреагирате смирено и одлучно, зошто да не можете да го сторите тоа и во вистинскиот живот? И кога е во прашање професијата или партнерот пресечете онаму каде вам ви одговара.
Престанете свесно да бидете нечија жртва! Колку и да ви е тешко после жолчната расправија или прекинот на врската пробајте да ја намалите нервозата или болката со самоконтрола. Свесно размислете што довело до тоа, кои се причините и последиците, дали сте вие виновник или некој друг и тогаш преземете акција. Ако сторивте се што можевте и ја средивте ситуацијата браво за одлучноста, ако сторивте се и не успеавте, тогаш чисти сте пред себе, ако гледате дека нема што повеќе да се стори тогаш сетете се на сите лоши мигови кои довеле до тоа и повеќе од сигурно е дека нема да сакате да ги преживеете пак. Бидете сами своја божица!
-
Разголете се емотивно, милувајте се и гледајте се во очи за да ви се спојат и душите. ... -
Можеби е вашиот партнер, можеби е пријателката, можеби е колешката од работа... ... -
Често перфекционистите се несреќни, но уште почесто токму тие се оние најуспешните. ...
.gif)
