.gif)
„Алоооо..... Еве речиси сум готова, доаѓам. Не се лути, навистина немав што да облечам, а и тоалетот ми беше зафатен.“
Дојде тој сладок петок, следи бурна ноќ и утро без обврски!
Но токму пред времето за подготовка еуфоријата како по автоматизам ви падна, а вам на памет ви паѓаат илјада и една друга идеја, од тоа да гледате филм, па до тоа да си легнете, се освен да мрднете од удобниот кревет и да се лоцирате во тоалетот
20:00 „Ах, треба да започнам да се спремам, па како можеше баш сега да ми започне омилената серија на Fox Life.“
20:30 „Готово станувам, само уште да каснам нешто благо.“
20:42 „Навистина немам што да облечам, чекај ќе го пробам ова црвеново фустанче кое никако да се одлучам да го облечам, ако не, се враќам на старите добро проверени црни шорцеви, ќе ставам друг накит и како нова. Ослободете го огледалото, доаѓам...“
21:00 „Ох, добро е, ми оставиле вода. Немам многу време, повторно ќе задоцнам, морам набрзина да се избањам.“
21:20 „Навистина го мразам овој фен за коса, особено на топлово време. Леле каде ми е фигарото? Го нема на неговото место, да не го дадов на Ирена? Баш сум нервозна, како го нема токму сега... Ајде ќе ја исправам косата со пеглата. Нема време за паники!“
22:00 „Пудрата, руменилото, сенките, карминот, римелот, моливчето, време е за посмела вечерна шминка. Хмм, дали денес да ги истакнам очите или усните, не смеам двете, па не сакам да бидам како оние кукли – кловнови низ градот.“
22:12 „Пак кивнав кога римелот уште не ми е исушен, па какво е ова проклетство што ми се случува повторно? Каде се пак сега стапчињата за уши? Полека со крема ќе го извадам, но ќе ми се избрише и подлогата од пудрата, морам да ја поправам.“
22: 30 „Ми ѕвони телефонот... каде го ставив? Го нема на машината за перење во тоалетот, ниту пак во кутијата со шминки, да не е во мојата соба? Ах еве го под алиштата бил.“
22: 31 „Алоооо..... Еве речиси сум готова, доаѓам. Не се лути, навистина немав што да облечам, а и тоалетот ми беше зафатен, добро ај да бидам искрена се загледав во серијата. Извини, доаѓам за 10 минути.“
22: 40 „Штикли, штикли, штикли... Кои ми одговараат највеќе? Овие ќе ми бидат најудобни, навистина сум расположена за танцување денес. Не, не.. ќе ги облечам овие, знам дека ќе плачам на крајот од вечерта, ама сите ќе бидат на 12-ка, а и поубаво ми изгледаат нозете во нив. Да, тие ќе ги облечам, па што ќе биде нека биде, може и ќе подзаборавам на болката после винцето.“
22:45 „Оваа чанта одговара со нив, но премногу е мала, дали ќе ми собере се? Ајде ќе земам само најосновното.. Еве го паричникот, телефонот, клучевите, сјајчето, карминот, мастиките, паломата, кремата за раце.. ах не се затвара. Ништо ќе ја извадам кремата.“
22:47 „Тргам, таксиии, таксииии...“
***продолжува***
-
Разголете се емотивно, милувајте се и гледајте се во очи за да ви се спојат и душите. ... -
Можеби е вашиот партнер, можеби е пријателката, можеби е колешката од работа... ... -
Често перфекционистите се несреќни, но уште почесто токму тие се оние најуспешните. ...
.gif)
