.gif)
Атмосферата знаете дека ќе биде слична на изминатиот четврток, и на тој пред него и на тој пред него.
Чукна часот! Излегувате од дома време е за журка! Во вашата глава урнебес од фатални мисли по атмосферата, а од устата ви течат рој критики. На менито први нормално беа мажите во градот, потоа очајните локали, а на крај луѓето околу вас. Се на се ноќниот живот е ноќна монотонија.
Ако се препознавате во ова тогаш и вие сте зафатени од епидемијата на критицизам која ги зафати девојките во државава. Тоа дефинитивно е факторот број 1 кој ќе ви го расипе расположението и оваа ноќ.
Животот е понекогаш сив, понекогаш жолт, велат во една песна, општо позната е неговата црно-бела варијанта, но зошто вие да не направите една лично ваша оваа ноќ? Обојте ја во духот на есенските трендови, па нека биде портокалово-црвена, кој рече дека постојат правила?
Тешко дека ќе успеете целиот живот да ви изгледа вака, но барем ноќта која ја одбравте за забава оваа седмица нека биде помалку романтична, повеќе магична и максимално откачена.
За да успеете во оваа мисија време е да си ги забраните коментари од типот:
Тема : Мажи
ДА ИМАШЕ БАРЕМ ЕДЕН УБАВ, СИТЕ МАЖИ СЕ ГРДИ ВО ДИСКОВО!
ЗА КОЈ ДА СЕ ДОТЕРУВАМ!
Ако мислите црно, тогаш делувате црно! Уште при влегувањето во локалот вие разгледувате наоколу и наместо нешто добро, гледате во оние примери кои најверодостојно би ја потврдиле вашата теорија.
И го покажувате на вашата пријателка момчето со портокалови очила и тексас јакна, од времето кога џинсот се уште се набавуваше од Италија, како очаен стои потпрен на шанкот, а не симпатичниот тип со црна брадичка кој и покрај тоа што е висок без малку 2 метри вие не го забележавте.
Тема 2: Атмосфера
ЛЕЛЕ АМА ЌЕ СЕ ИЗНЕРВИРАМ АКО ИМА МНОГУ ГУЖВА!
ЛЕЛЕ АКО НЕМА НАРОД!
САМО ДА НЕМА ПАК ПАТЕТИЧНИ ПЕСНИ!
СИТЕ СТАНАА КЛАБЕРИ!
Атмосферата знаете дека ќе биде слична на изминатиот четврток, и на тој пред него и на тој пред него. Веќе кога менаџерите на градските дискотеки не се креативни, бидете вие креативни.
Не трошете си го залудно времето на коментари од овој тип, туку веднаш свртете ги броевите на вашите 2 најлуди другарки и играјте „предизвик или предизвик“ на подиумот за танцување. Следниот пат излезете смирено со партнерот под рака и уште неколку парови, потоа со колегите од работа и така нема потреба да размислувате дали ќе има атмосфера, бидејќи вие сами ќе си ја направите!
Тема 3: Народ
НЕ ИЗЛЕГУВАМ ВЕЌЕ ПЕТОК И САБОТА, АПСОЛУТНО СЕКАКВА ФАЦА ИЗЛЕГЛА ВО ГРАД!
ВИДИ ЈА ПРИЈАТЕЛКАВА КОЛКУ „УБАВО“ СЕ ДОТЕРАЛА!
ШТО Е ОВА СЕ ДЕЦА/ СТАРЦИ!
До кога ќе се оптоварувате со околината? Ако таа смета дека е соодветно и убаво облечена во бели шорцеви на есенските 10 степени навечер, со сино палто со карнери и розов кармин тогаш тоа е лично нејзин избор. Па само опуштено, секој нека прави што сака!
Помирете се со фактот што дискотеките во градот можат да се избројат на прстите од една рака, па така на едно место ќе видите и деца и старци и помислете дека сето тоа е релативно во зависност од перспективата на гледање.
Можеби и вие до вчера бевте детето, а веќе утре ќе бидете „старицата“ на која местото ни под разно не и е пијана во дискотека во 3 часот по полноќ, но вам не ви се потребни ниту судии, ниту „face control“, па така и вие не губете го времето да бидете нечиј судија.
-
Разголете се емотивно, милувајте се и гледајте се во очи за да ви се спојат и душите. ... -
Можеби е вашиот партнер, можеби е пријателката, можеби е колешката од работа... ... -
Често перфекционистите се несреќни, но уште почесто токму тие се оние најуспешните. ...
.gif)
