.gif)
Секогаш го правеше она што го чувствуваше и го говореше она што го мислеше.
И најсилно плачеше и најгласно се смееше и најцврсто прегрнуваше и најжолчно се расправаше... Но таа живееше, живееше затоа што чувствуваше!
Често пати беше обвинетиот неемотивец, често пати жената осудена затоа што секоја ситница си ја става на срце, иако контрадикторно знаеше да биде се тоа во својот живот. Но едно е сигурно! Секогаш го правеше она што го чувствуваше и го говореше она што го мислеше.
Различно ја доживуваа
Не можеше со секој да седи во иста просторија бидејќи луѓето се навикнати на хипокрити, на рамнодушност, на лажна поддршка, на празни зборови, на нереални комплименти и што уште не.
Оние пак другите ја сакаа најмногу на целиот свет затоа што во неа ја наоѓаа искреноста која на многумина им недостасуваше и во неа го гледаа современиот Могли во човечката џунгла.
И бескрајно среќна и бескрајно тажна
Знаеше да се расплака во мигови кога разумот и велеше „не смееш“ и знаеше да се насмее во ситуација во која рационалноста црташе „не е соодветно“, но таа не можеше или до некаде и не сакаше да ги контролира своите емоции.
Па зошто својот дух и тело да ги претвори во стаклено ѕвоно и секој нов проблем да се преправа дека го игнорира кога тој всушност и беше нова дина на нејзиното срце? Вака со искажани зборови и преточени емоции ја разбиваше песокта, која натежнуваше на срцето, и веќе следниот миг се чувствуваше подобро.
NorForMen препорака: Девојката див нарцис
Отворени карти
Не сакаше да чувствува кнедла во грлото, па плачеше кога се раздели со партнерот. Не сакаше да ја пушти своја пријателка за Америка, па ја гушкаше со сета сила. Не сакаше да ја лажат и за најмала ситница, па се расправаше на сиот глас.
Кога ќе ја повредеа не можеше, а да не го канализира бесот во одмазда, но и кога ќе и направеа добрина, не можеше, а да не биде бескрајно благодарна и да се смее од се срце.
И така оваа девојка си ги живееше деновите обоени во боите на емоциите. Презираше лицемерие, презираше рамнодушност, презираше лаги...
-
Разголете се емотивно, милувајте се и гледајте се во очи за да ви се спојат и душите. ... -
Можеби е вашиот партнер, можеби е пријателката, можеби е колешката од работа... ... -
Често перфекционистите се несреќни, но уште почесто токму тие се оние најуспешните. ...
.gif)
