.gif)
Што ако постојано кажувате „не“? Тогаш кажувате не на љубовта, не на професионалните успеси и не на забавата.
Направивте чекор за кој сега се каете... Се на што можете да се фокусирате е желбата за некоја иновација која ќе може да го врати времето наназад и деноноќно сонувате за временска машина, па дури и за еднократна употреба.
Со отворени очи, пресушени од солзи, посакувате денес да е вчера, а во себе го проколнувате мигот кога ја донесовте таа одлука, која сега ви е најголемата рана на срцето.
Ако и вие се наоѓате во ваква ситуација време е да го исправите грбот, како што само вие знаете, да ги избришете солзите и да се справите и со оваа животна неволја!
Чекор 1: Прифатете дека е потребно да ризикувате за да бидете среќна!
Прво помислете, ако го сторивте тоа значи дека во тој миг навистина го посакувавте. Знаете како се вели: Еден ден нема да се каете за работите кои сте ги сториле, туку само за пропуштените прилики.
Зошто тогаш да бидете жена со пропуштени животни шанси и редица прашалници во своето животно досие?
Бидете жена која била доволно храбра да донесе одлука, да го стори тоа што го сака, да застане исправена пред животот и да граби од него со некој нареден чекор. За најголемите задоволства и за најголемите успеси речиси секогаш е потребно да се ризикува.
NotForMen препорака: Затоа што утре не ми е ветено!
Чекор 2: Прифатете го возењето, почувствувајте го адреналинот!
Животот е ролеркостер, од кој не знаете дали после симнувањето ќе можете да стоите на нозе, дали ќе ви биде лошо и ќе имате мачнини, ќе ви се јави првото бело влакно од стравот или ќе ве исполни адреналинот, од кој подоцна ќе станете зависна до крајот на вашиот живот.
Да, сите претходно наведени ризици се вредни ако наспроти нив постои шансата да откриете нов адреналин, ново чувство на необјаснива среќа без која од тој миг, па натаму не можете да си го замислите денот.
Затоа ако денес ви се тресат нозете од ролеркостерот, не кајте се зошто се качивте, вчера го сакавте тоа, вчера копнеевте по тоа, а можеби за само ден или два вашето мислење ќе се промени и ова ќе биде една од вашите најдрагоцени животни лекции.
Чекор 3: Токму тоа – чекорете!
Секој чекор во животот е подобар отколку тапкањето во место. Вегетирањето оставете го на билките, а вие бидете човек во секоја смисла на животот, па така и грабајте и грешете, но не кајте се.
Што ако постојано кажувате „не“? Тогаш кажувате не на љубовта, не на професионалните успеси и не на забавата.
На крајот на краиштата дури и да сте погрешиле., научете да простувате. Простете си што вчера сте биле луди и млади или брзоплети или заведени или излажани. Простете си што повредивте, што прекоривте, што погрешно проценивте.
Земете си го товарот на вашите плеќи, затоа што токму тој, товарот од животните искуства, учествува во изградбата на вашата личност. Токму сите одлуки и избрани патишта ќе ве направат поразлична од Марија, Елена и Викторија, токму затоа ќе бидете една и единствена, несовршена и најдобра!
-
Разголете се емотивно, милувајте се и гледајте се во очи за да ви се спојат и душите. ... -
Можеби е вашиот партнер, можеби е пријателката, можеби е колешката од работа... ... -
Често перфекционистите се несреќни, но уште почесто токму тие се оние најуспешните. ...
.gif)
