.gif)
Вчера се нервиравте бидејќи вашата коса ви пројави црвен сјај од кафената фарба, а денес се што сакате е да си замине таа иритирачка болка од вашата глава.
И само кога малку ќе започнете да шмркате со носот, грлото да ви се затега при секое ново подголтнување и за само една ноќ ви се одмилува омилениот вкус на крембананите, швепсот и шпагетите, тогаш сфаќате дека ништо на светот не е поважно од вашето здравје.
Вчера се нервиравте бидејќи не си ја погодивте вистинската нијанса на црвен кармин или вашата коса ви пројави црвен сјај од кафената фарба, а денес се што сакате е да си замине таа иритирачка болка од вашата глава и да се намали температурата која ви го зоврива мозокот.
Банални проблеми
Ништо друго повеќе не е важно, ниту кавгата со мајка ви, ниту вознемирувачката реченица на Miranda од Sex and the city: „Можеби не постои некој за секого“, без разлика што речиси цела година сте без момче, ниту неудобното столче на работното место... Токму во тој миг кога најстрашните животни проблеми ви се претворија во пепел и на ум имавте само една мисла, да оздравите, сфаќате дека вашиот живот толку многу си го загорчувате со непотребни банални работи и дека од мравка навистина правите слон.
NotForMen препорака: Моќта е во самоконтролата
Организирајте си ги деновите!
Ако не на периодот со настинката, сетете се на периодот кога седевте дома без обврски, колку само разговори и мисли имавте посветено на „проблемите“ со мажите и направете споредба со оној ден кога бевте на работа до 16 часот, па заминавте на ручек во „Етно село“ во Куманово, а вечерта го прославувате роденденот на вашата најблиска пријателка.
Обврските не ви даваат ниту време, ниту простор за бесцелно да си го мачите умот со „што би било кога би било“, „ех колку би сакала“, „зошто така кога можеше вака“ и редица други себедеструктивни мисли. Поставете му забранет пристап на каењето!
Делувајте!
Ниту времето може да се врати, ниту да ја предизвикате иднината, ниту да го освоите него преку мисли!
Се што сакате да постигнете и достигнете направете го низ призмата на делувањето, па така кога ви се пие чаша вода, станете и земете ја, а не пробувајте со телепатија да ја повикате мајка ви од другата соба да се појави баш во тој миг.
Чувајте се!
И да се вратиме сега дека ништо не е толку важно како вие и вашето здравје.
Не чекајте повторно да настинете за да се сетите на ова, па така секој ден бидете благодарни за подареното здравје, негувајте го не само со витамини и топла облека, туку и со тоа што ќе престанете да си предизвикувате стрес мачејќи го умот со работи кои не зависат од вас или со константно навраќање на болни спомени од минатото или едноставно со преголемо драматизирање ако ви се скрши нокотот или ви се скинат хулахопките. Време е за релаксирани, среќни денови!
-
Разголете се емотивно, милувајте се и гледајте се во очи за да ви се спојат и душите. ... -
Можеби е вашиот партнер, можеби е пријателката, можеби е колешката од работа... ... -
Често перфекционистите се несреќни, но уште почесто токму тие се оние најуспешните. ...
.gif)
