.gif)
Аладиновата ламба е она што ви е потребно, па да затриете со рака, а оттаму духот да ви ја исполни и најлудата фантазија која ќе ви падне на ум.
И ако помисливте дека навистина Аладиновата ламба е она што ви е потребно, па да затриете со рака, а оттаму духот да ви ја исполни и најлудата фантазија која ќе ви падне на ум и за миг се најдовте во облаците на летечкиот килим, а домашното милениче тигарот ве дружеше на небесните патувања време е да ги протриете очите!
Аладинова ламба немате, тоа е вашата столна ламба за читање, затријте ја, но од прашината, авантуристичката книга оставете ја на масичката и дадете и храна на вашата мачка.
Ве убива монотонија?
И наеднаш реалноста е толку бледа и досадна во споредба со фантазијата. Деновите започнуваат на истиот начин, со иритирачкиот аларм во 7 часот наутро, со студот под коски, со турканицата во државна петка, со истата канцеларија, со истиот вкус на кафето и истиот вкус на животот.
Образец на живеење со денови како близнаци – петорка, така недела го испраќа понеделник, а сабота го дочекува петок.
Секој ден ист, со 8 часа во фотелјата, со блага приквечерина која чека пред влезот, па уште една тура со преполната петка, па сообраќајно лудило на раскрсницата кај Зелен пазар, па уште една доза студ под коските, па ручек и дојде вашето слободно време од денот, а вие и измрзнати и изморени со очи заљубени го меркате креветот.
Време е за акција!
Еве сега е времето кога треба да бидете сами својот дух, па после час, два одмор да се извлечете повторно надвор на студот, па да се забавувате со пријателките, да уживате во вкусот на каранфилчето од греаното вино, па и да побарате некој Аладин.
NotForMen препорака: Среќата на убавицата и ѕверот
Сопотско ви нуди сирење во фурна, Кригла пилешки прсти, а Тренд палачинки со нутела, градот полека, но сигурно започнува да ви нуди новогодишна атмосфера иако точните координати на новогодишната елка се уште не се одредени.
Не престарувајте со духот, не и дозволувајте на работата да биде прва, последна и единствена во вашиот ден. Таа е само алатка за вечерва да уживате во новото црвено капутче, во вкусот на палачинките и во резервацијата за зимување во Банско.
Не се предавајте во прегратката на монотонијата и излезете вечерва затоа што градот сепак има што да ви понуди, па дури и да е преполна петката, во неа веќе нема провев од сите страни и не ви е потребна Аладинова ламба за да се згреете.
-
Разголете се емотивно, милувајте се и гледајте се во очи за да ви се спојат и душите. ... -
Можеби е вашиот партнер, можеби е пријателката, можеби е колешката од работа... ... -
Често перфекционистите се несреќни, но уште почесто токму тие се оние најуспешните. ...
.gif)
