NotForMen

Прашањето ќе остане дали ќе патите во животот затоа што на секого му е дозволен пристап до вашето срце?

Порано ништо и никој не можеше да допре до вас. Своеглава и горделива секогаш говоревте во суперлатив за себе и ниту едно момче не беше доволно вредно за вашите солзи. Исто така и пријателствата знаевте по брза постапка да ги ставите во мирување на неколку месеци, па дури и година се со цел да се изолирате од се што ве прави несреќна.

МОМЧИЊА

Денес работите како да стојат поинаку... За последното момче река солзи исплакавте од причина што како годините да ви донесоа некоја емоционална зрелост. Вие научивте да се поврзувате со луѓето, а емпатијата и прашањата низ умот како тој се чувствува ви беа доволни за на првата љубовна песна да се загушите во солзи.

ПРИЈАТЕЛКИ

Да и денес сте онаа горделивка и денес го прекинавте пријателството во кое чувствувавте недоволно возвратена љубов и посветеност, но никако чувствата да ги зачините со горчина и да ја заборавите некогашната пријателка.

Во себе наоѓате илјада и една причина да и простите и илјада и еден доказ против вашата брзоплетост.

Но повторно е тука црвеното светло, она што ве прави вистинската во своја кожа, па ниту еднаш не се поколебавте да и свртите иако спомените за неа никако да го најдат патоказот до неповрат.

NotForMen препорака: Несовршена и најдобра

АВТОРИТЕТИ

Тука се и авторитетите, со нив можеби и најтешко ви оди. Отсекогаш бевте таа која е во право, а и со цело битие се трудевте тоа да не бидат само празни зборови, па ретко кога имавте прекор во вашето досие.

Но како и рекламата „ask for more“, така и луѓето колку повеќе им давате толку повеќе бараат од вас. Да, големите очекувања се комплимент за вашите способности, но понекогаш се и демотиватор за вас бидејќи лакомоста на луѓето може да достигне дури 3 метри над небото.

Постара и помудра итате кон себереализација и искористување на максимумот од вашите потенцијали, а резултатите ви се најслатката црешичка, но токму сет тој перфекционизам прави да се нервирате и за најмал прекор, а нешто што за другите се безвредни зборови за вас да бидат кофа студена вода во лицето.

МАЛ МИЛИОН ДИЛЕМИ

Кога постанавте толку кревки, кога дозволивте скршениот нокот да ви влијае на расположението? Или пак можеби токму сега научивте вистински да живеете, кога дозволивте светот да допре до вас, кога ја тргнавте восочната маска од лицето и штитот од срцето и започнавте да љубите? Денес дозволувате врелите солзи да го растопат римелот по вашето лице...

Прашањето ќе остане дали ќе патите во животот затоа што на секого му е дозволен пристап до вашето срце? Но едно е сигурно, ова се подобри времиња од оние кога бевте недостапна за љубов, недостапна за критика, недостапна за комуникација!

• 
  Од просечен секс до одличен секс!
  Разголете се емотивно, милувајте се и гледајте се во очи за да ви се спојат и душите. ...
• 
  Писмо до сите мои „непријатели“
  Можеби е вашиот партнер, можеби е пријателката, можеби е колешката од работа... ...
• 
  Перфекционизам до болка!
  Често перфекционистите се несреќни, но уште почесто токму тие се оние најуспешните. ...