.gif)
Време е да ја извадите елката од подрумот, да ја закитите со најсјајните лампиони и да ставите некое пакетче под неа.
И кога само ќе ги чуете стиховите: „Ho, ho, ho... Shake up the happiness, Wake up the happiness“ целта е веќе постигната, во вас се буди искрата во секој атом и чудна топлина ви го обзема телото.
Некогашната магија на 31.12.
Да, веќе не сте она дете кое цела година сонуваше да седне во скутот на Дедо Мраз да си ги каже своите желби или пак барем скришно во ноќта да го види како се симнува низ куќниот оџак со торбата на рамото, не сте ни онаа девојка која еуфорично ја планира оваа ноќ 2 месеци пред време бидејќи таа е единствената во годината во која може да го дочека изгрејсонцето надвор од дома без прекор од родителите, не сте ни онаа „возрасна“ тинејџерка која 3 дена шета по совршените чевли за новогодишната ноќ и слави со друштво од 100 луѓе во стан кој многу наскоро ќе биде демолиран, веќе сте жена која многу и не ја радува овој ден.
Денешните чувства
Посмирен кафеански дочек, па дури и симболична прослава со отсјајот на сијаличките во домашна атмосфера, часот ќе отчука 00:00, а годината нова ќе пристигне! Ниту преку ноќ ќе блесне нова светлина, ниту драстични промени се на прагот.
Скапи резервации, гужви и алкохолизирани луѓе се вашиот опис за годинава. Еден неработен ден потоа и ништо повеќе!
Стоп! Па до каде со мисливе? Зошто саморазурнувачки делувате врз вашето расположение?
NotForMen препорака: Честитајте му Нова година
Време е!!!
- Време е да ја извадите елката од подрумот, да ја закитите со најсјајните лампиони и да ставите некое пакетче под неа.
- Купете си го она што одамна го посакувавте, спакувајте го во најубавата шарена кутија со црвена машна и ветете си дека нема да го отворите до магичната ноќ. Потонете повторно во детската илузија за Дедо Мраз, која дополнително можете да ја симболизирате со црвените гаќички кои ќе ги облечете на 31.12, бидејќи нели се верува дека тие носат среќа.
- Пуштете ја на цел глас гореспоменатата песна (Train) и направете едно гласно Ho, ho, ho... кога ќе го погледнете најсексапилниот фустан кој го одбравте годинава за прославата.
- Отворете го стариот кувар од мајка ви и направете некои колачи во црвено-бела боја и поканете ги пријателките на предновогодишно вино засладено со колачи.
- Отидете на новогодишната прослава од работа и придружувајте ја пријателката на забавата од невладината организација, чиј член е.
- Убаво концентрирајте се на сите желби во умот и срцето и верувајте искрено дека 2012 е годината на нивна реализација.
- Појдете на прошетка низ градот, купете 5 шарени балони и помогнете му на градоначалникот на вашиот град со тоа што ќе бидете еден од најубавите годинешни украси. Ако ништо повеќе тогаш украсете го вашиот град со насмевка.
Да, Нова година доаѓа... Можеби не пресвртница, но затоа една нова надеж! Сетете се дека се радувате на новото утро, а не пак на новата година!
Животна историја се пишува, ако се вработите во вашето CV ќе пишува 2012, ако се вљубите таа е среќната, ако се омажите таа е пресудната, ако родите таа е неговата родена. Па затоа ајде да ја прославиме, да и посакаме топло добредојде за да ни донесе среќни мигови!!!
-
Разголете се емотивно, милувајте се и гледајте се во очи за да ви се спојат и душите. ... -
Можеби е вашиот партнер, можеби е пријателката, можеби е колешката од работа... ... -
Често перфекционистите се несреќни, но уште почесто токму тие се оние најуспешните. ...
.gif)
