.gif)
Танцувајте, уживајте и забавувајте се оваа година без во точно 00 часот да морате да честитате Нова година на сите и блокираната мрежа да ви го расипе расположението.
Некои резервираа уште на почеток од месецот, други полека ја подготвуваат торбицата за продолжен викенд, а вие немате ниту план, ниту програма за новогодишната ноќ.
ЛОКАЦИЈА: НЕПОЗНАТА
Организацијата овој пат ја оставивте во раце на други, а тоа по автоматизам завршува во конфузија и растројство, но бидејќи мозочето годинава го ставивте на стенд бај, ниту малку не ве плаши помислата што прославата за Нова година ви стои на стаклени нозе.
Не сте сами во „несреќата“, па така се тешите што Марија никако да го усогласи планот со другарките, а Горан се уште да пронајде соодветно место.
NotForMen препорака: Празници се ближат, празници се ближат!
МОТИВ: ПРОТЕСТ
Годинава како сите да оставаат се да тече по игра на случајности, па така си задаваат за право да протестираат против високите цени на кафанските менија, против преголемиот број на карти кои ги продаваат дискотеките за таа ноќ и против високата цена на мавровската пита.
ПЛАН: СПОНТАНОСТ
Сигурно нема да останете и да бидете друштво на новогодишната елка во вашата дневна, па така со план надвор од дома на 31-ви и програма како што ќе дувне ветрот немате преголеми очекувања, но и ве скокотка возбудата на спонтаноста. А и знаете како велат спонтаните работи секогаш најубаво излегуваат.
Па така облечете го фустанчето, заруменете ги усните и заблескајте за себе таа ноќ. И да не ја заборавиме најведрата пријателка која мора да ви биде задолжително друштво оваа ноќ по секоја цена.
Прифатете ја поканата за славење од првиот кој ќе ви понуди од овој миг, па натаму.
ПОДГОТОВКА: ФИЗИЧКА И ПСИХИЧКА
Пред да тргнете на забавата добро замезете си дома кифлички и руска салата бидејќи неограниченото јадење во локалите неретко се сведува на 2, 3 оредевери.
Така потковани со енергија и витамини подготвени сте за предизвикот вотка со 2 парчиња лимон, црвено вино или Бејлис. После 3-тата чаша сигурно веќе ќе немате влакна на јазикот, па ќе стапите во слободна комуникација со луѓето кои ве опкружуваат, ако прв пат ги гледате вечерва, тоа не значи дека не можат да станат најважните луѓе во вашиот живот.
Танцувајте, уживајте и забавувајте се оваа година без во точно 00 часот да морате да честитате Нова година на сите и блокираната мрежа да ви го расипе расположението. Бидете со доза на очекување дека кафулето во 2 часот може да каже дека алкохолот завршил и со замисла за можен фајрон во 4 часот. Откако ќе се помирите со сите можни најлоши сценарија, повеќе ништо не може да ве изненади, се ќе биде само плус и ова ќе ви биде една навистина убава вечер за паметење.
И за крај креирајте возбуда, креирајте возбуда, креирајте возбуда!
-
Разголете се емотивно, милувајте се и гледајте се во очи за да ви се спојат и душите. ... -
Можеби е вашиот партнер, можеби е пријателката, можеби е колешката од работа... ... -
Често перфекционистите се несреќни, но уште почесто токму тие се оние најуспешните. ...
.gif)
