.gif)
Сетете се на времето кога се чувствувавте прекрасно за себе. Што правевте, што постигнавте?
Нова година, нов почеток, нови цели... Имате 366 дена (оваа година е престапна) за постигнување на истите. Но како да започнете и како успешно да завршите?
Еве неколку совети кои ќе ви помогнат за 2012 да биде вашата година:
Бидете конкретни во желбите!
Без разлика дали сакате тонирано тело, повеќе пари, нова работа или да научите да возите, вие мора да си поставите конкретни цели за добар почеток.
Поставете си прашања кои ќе ви помогнат да го фокусирате умот на целта, која се разбира мора да биде нешто реално. Помислете: кој дел од телото сакате да го тонирате, колку пари посакувате, која е совршената работа за вас и слично.
Поставете цели кои вистински ги сакате!
Звучи очигледно, но размислете за правецот кој навистина го сакате во животот и креирајте цели околу тој посакуван начин на живот. Потребни ви се целосни промени, а не половични планови кои водат кон неуспех.
Поставете си сопствен систем на награди!
Целите се поставуваат за подобрување на животот, тие не се казна. Поставете си систем на награди дури и кога ќе направите најмали чекори во големата шема на животни планови. Тоа ќе ви ги заслади напорите за во иднина.
Престанете да се жалите!
Досадните луѓе цимолат дека им е здодевно, па така не паѓајте во замката постојано да се жалите на тоа. Константното жалење и цимолење ви носи само негативни чувства кои го отежнуваат постигнувањето на целите, без разлика дали е тоа да станете од креветот или да истрчате маратон.
Запомнете ги минатите постигнати цели!
Сетете се на времето кога се чувствувавте прекрасно за себе. Што правевте, што постигнавте? Тие моменти ќе ви помогнат да се сетите дека постигнатите голови ве прават среќна и ќе ве држат мотивирани во сегашноста.
NotForMen препорака: Овде и сега е мојата среќа!
Не дозволувајте исклучоци!
Дали пропуштивте еден час по возење и останавте мрзеливи пред телевизорот наместо да правите нешто продуктивно? Не ја упропастувајте сета напорна работа до овој миг. Вратете се во трката бидејќи еден пропуштен час води кон втор, трет, четврт и ќе забележите дека вашите соништа тапкаат во место.
Еден по еден гол!
Една од причините поради која многу луѓе не успеваат е правењето премногу промени истовремено. За да постигнете 10 цели едновремено треба да бидете супермен, но вие не сте тоа, па не измачувајте се.
Помислете на сите ваши цели и изберете една или две кои ќе ги следите правилно. Па дури потоа може да додавате нови.
Направете распоред на задачите!
Без да одредите точно време за да работите на нив, вашите цели нема да се остварат. Ако ги запишете полесно ќе ви биде да им најдете време во вашиот распоред на обврски. Напишете половина час за средување на CV-то или 2 часа за час по возење.
Време е да станете жена од акција!
-
Разголете се емотивно, милувајте се и гледајте се во очи за да ви се спојат и душите. ... -
Можеби е вашиот партнер, можеби е пријателката, можеби е колешката од работа... ... -
Често перфекционистите се несреќни, но уште почесто токму тие се оние најуспешните. ...
.gif)
