NotForMen

Креирајте визија за иднината, смислете стратегија и работете напорно за да го постигнете тоа. Нема скратени патишта и тајни формули.

Најлошиот непријател не ви е шефицата во климакс, ниту поранешната пријателка која се уште ве озборува по градот, ниту момчето кое ви го скрши срцето и замина со друга, вашиот непријател ви е токму вашиот ум.

Толку комплексен со илјада и еден трик може да ве наведе да застраните од патот до вашата среќа. Можеби потребен е само уште еден ден за да го остварите својот сон, но песимистичката мисла на умот „ако се уште не ми се случило, никогаш нема“ може да направи да се откажете и никогаш да не успеете.

Еве на кои трикови на умот не смеете да подлегнете:

• „Ќе бев посреќна, само ако имав помалку обврски.“

Колку само би ви бил убав животот да не мора да работите, да можете да се излежувате и да одберете животен стил кој ви одговара?

Воопшто! Ќе потонете во здодевност и монотонија. Ние сме креативни суштества и потребен ни е предизвик за да бидеме среќни.

• „Не е до мене, до тебе е.“

Верувате дека сте несреќни поради вашиот сопруг, родителите или некоја трета личност. Се расфрлувате со обвиненија наоколу, но сетете се дека потребни се двајца за танго.

Најважно е да ја прифатиме одговорноста и одлично да го изработиме нашиот дел.

• „Само да ја откријам тајната за успех и ќе бидам среќна.“

Не постои тајна за успех или среќа! Живеењето успешен живот е доста едноставно. Креирајте визија за иднината, смислете стратегија и работете напорно за да го постигнете тоа. Нема скратени патишта и тајни формули.

 

NotForMen препорака: 6 животни јога мудрости

 

• „Ако само имав...“

Само ако ја имав вистинската работа или добар автомобил или вила во Маврово помислувате често.

Нема ништо лошо во желбите за подобро, но тоа автоматски нема да ве направи посреќни. Можеби привремено, но на долг рок нема да ја исполни бездната која ја чувствуваме.

• „Ги сакам работите како што се и никогаш нема да ги променам.“

Верувањето во ова е само поставување за пад. Животот е патување со константни промени.

Ако се спротивставувате на промените само ќе ја заробите својата среќа. Прифатете го текот и учете од него.

• „Ако се уште не ми се случило, никогаш нема.“

Нашите умови често се обесхрабрени кога успехот не е веднаш зад аголот. Сетете се на омилените ресторани за брза храна KFC (Kentucky Fried Chicken), кои и тоа како посакувате да ги има кај нас. Нивниот сопственик Colonel Sanders не започнал да ги отвора се додека не наполнил 65 години, после 40 години готвење и служење пилешко на бензинска пумпа.

Упорноста е многу важна во постигнувањето на среќата. Не предавајте се, можеби е потребен само уште еден ден за да го остварите сонот! Нека целото ваше битие вреска САКАМ!

• 
  Од просечен секс до одличен секс!
  Разголете се емотивно, милувајте се и гледајте се во очи за да ви се спојат и душите. ...
• 
  Писмо до сите мои „непријатели“
  Можеби е вашиот партнер, можеби е пријателката, можеби е колешката од работа... ...
• 
  Перфекционизам до болка!
  Често перфекционистите се несреќни, но уште почесто токму тие се оние најуспешните. ...