NotForMen

Како ги гледате парчињата расте вашата фрустрација и наеднаш ви доаѓа да вреснете на сет глас: Немам што да облечам!

Дали и вам „немам што да облечам ви е химна“? Па толку многу поводи, а толку малку време за комбинирање!

Наутро сте поспани, а на работа треба да изгледате пристојно и елегантно, попладне сте уморни, а треба да излезете на кафе со пријателките, вечерта сте речиси без енергија, но ете го тоа слатко момче ве повика на состанок.

Енергијата ја трошите 24/7 на движење, шопингот ви е полнење на батериите, но пронаоѓањето на совршената вечерна комбинација ви е мисија насловена: Гардероберот празен, облеката на под!

МИСИЈА: Вечерно излегување

Часот е 21, а вие имате навистина важна ноќ пред вас. Стоите лице в лице со вашиот гардеробер, се додека не се одлучите да извадите нешто што стоело таму две години, блуза која не одговара со ништо и чевли за кои не знаете ни зошто воопшто ги купивте. Како ги гледате парчињата расте вашата фрустрација и наеднаш ви доаѓа да вреснете на сет глас: Немам што да облечам!

Сопрете веднаш со ова материјално лудило. Знаете ли што се крие во вашиот плакар? Вистинска рефлексија на вашата внатрешност!

**Разберете ги вашите ставови и верувања за облеката и шопингот.

**Направете го секое парче во плакарот во ваша служба.

**Облечете се за сегашноста, не за минатото или иднината.

NotForMen препорака: 7 модни гревови

Зошто немате што да облечете?

Еве го моментот на вистината според Judie Taggart, авторката на Women's Wear Daily! Вашиот гардеробер треба да биде во хармонија со вашиот живот! Затоа треба парчињата гардероба да ви бидат во сооднос со часовите на ден кои ги поминувате на работа, дома или во диско.

Направете ваква поделба:

Деловна облека

Спортска облека

Облека за вечерни излегувања

Облека за социјални настани

Облека за по дома

Кежуал облека за викенди

Еве неколку практични совети од нас:

• Редовно перете!

Ако редовно перете, тогаш вашите омилени парчиња секогаш ќе ви бидат достапни и нема да ја започнете мисијата бирање на комбинација со полупразен плакар.

• Поправете ги чевлите!

Однесете ги омилените чевли на чевлар. Поправете им ја флекницата и уживајте повторно во нивната удобност.

• Сошијте го фустанчето!

Сошијте го копчето кое ви падна од фустанчето или отстранете ја дамката од омилената бела кошула. Зошто секогаш само да купувате ново кога можете со старите поправени парчиња и новите купени да имате изобилство од облека за комбинирање?

• Многу модни додатоци!

Ова е евтин начин да го освежите вашиот изглед. Со нов колан вашиот фустан ќе изгледа навистина поинаку. Ставете марама или доминантни обетки и нема потреба од нова облека, истата облека со различни аксесоари ќе добие нов шарм.

• 
  Од просечен секс до одличен секс!
  Разголете се емотивно, милувајте се и гледајте се во очи за да ви се спојат и душите. ...
• 
  Писмо до сите мои „непријатели“
  Можеби е вашиот партнер, можеби е пријателката, можеби е колешката од работа... ...
• 
  Перфекционизам до болка!
  Често перфекционистите се несреќни, но уште почесто токму тие се оние најуспешните. ...