.gif)
Белината ви ги полни очите, неговото крцкање под нозете ушите, а руменилото на образите од студот е сладок предизвик телото да се прилагоди на поинаквиот температурен ритам.
Кога шетате по снегот на минус 15 степени од задоволство... Тогаш белината ви ги полни очите, неговото крцкање под нозете ушите, а руменилото на образите од студот е сладок предизвик телото да се прилагоди на поинаквиот температурен ритам. Уживате кога вее врз вас и кога се лизга под вас.
Кога одите по снегот на работа на минус 15 степени од обврска... Тогаш снегот ве прави поспани, депресивни и мрзеливи. Морате да ги облечете најнепривлечните чевли за безбедно да стигнете до дестинацијата.
Секоја снегулка е ваш непријател, бидејќи ви ја расипува тазе исфенираната коса. Белината наоколу е причина за гужвата во сообраќајот, се е бавно, закочено. Се напрегнувате да не се лизнете, а прстите од раката со која го држите чадорот повеќе не ги ни чувствувате од студот.
Ете толку голем контраст има доживувањето на една ситуација во зависност од фактот дали го правите тоа од задоволство или обврска.
ВАШАТА РАБОТА
Седнете да напишете текст од задоволство, ќе добиете парче уметност кое злато вреди. Ќе ви се разбудат најкреативните идеи од длабочината на умот, најсочните приказни и ќе се сетите на најубавите зборови од македонскиот литературен јазик.
Седнете да напишете текст од обврска кога темата ви е наметната, времето ограничено, а позитивната оценка од претпоставените задолжителна, тогаш креативноста веднаш ви кажува збогум, станувате најмалата алатка во големата машинерија и делото го губи сјајот. Строгата уредничка политика ви ја брише ударната реченица од веста, а вие немо ја подголтнувате кнедлата во грлото опростувајќи се од носечкиот столб на веста која очекувавте да направи вашиот стил да остане запомнет.
Вашето објективно гледање на ситуацијата се претвора во субјективно гледање на уредникот и сето тоа исфилувано се сервира пред широката народна маса. Читателите стануваат мета на пропаганда, а вие служители на истата затоа што вашето 6 месечно бебе има потреба од пелени и млеко.
NotForMen препорака: Не ме цениш, си заминувам!
ВАШИОТ ПАРТНЕР
Тој ви постави ултиматум да поминувате повеќе време со него. Кафињата со пријателките и ноќните забави ви се строго забранети, а на репертоарот имате фудбал, филмови и истиот ресторан веќе цела година.
Силна монотонија ве убива вас, а оваа обврска да бидете 24/7 со него од олово потешка натежнува на вашите плеќи.
Што ако сето ова беше од задоволство? Ако тој дадеше идеја за некој нов локал, зготвеше вечера за промена и ултимативниот тон го заменеше со слатки шепотења? Тогаш сигурно од задоволство ќе го поминувавте секој слободен миг со него, а пријателките повеќе немаше да го имаат приматот во вашиот дневен распоред.
Значи сета убавина е во задоволството, тоа е повеќе од јасно, но од денес треба да научите сами да ги гледате работите како задоволство. Пронајдете нешто што ве инспирира и мотивира... Нека биде среќното дете во снегот, позитивната колешка на работа или искрената емотивна прегратка од партнерот, кој сепак си го сакате највеќе од се.
-
Разголете се емотивно, милувајте се и гледајте се во очи за да ви се спојат и душите. ... -
Можеби е вашиот партнер, можеби е пријателката, можеби е колешката од работа... ... -
Често перфекционистите се несреќни, но уште почесто токму тие се оние најуспешните. ...
.gif)
