.gif)
Дури 40% од луѓето сметаат дека работат за лоши шефови, откри истражувањето на универзитетот во Florida.
Дали со насмевка тргнувате на работа или безволно се подготвувате за уште еден иритирачки ден во низата? Дури 40% од луѓето сметаат дека работат за лоши шефови, откри истражувањето на универзитетот во Florida. Или подетално:
39% велат дека нивните шефови не ги исполнуваат ветувањата
37% дека не им се признаени заслугите
31% дека нивните претпоставени им го даваат „третманот на молк“
27% се жалат на негативни коментари
23% откриваат дека нивните шефови ги обвинуваат нив или другите колеги за сопствените неуспеси
Што значи ова? Компаниите губат квалитетни работници поради лошите шефови, а со тоа нормално и големи пари. Па така ако сакате вашите работници да работат екстра часови без бунт треба да бидете добра шефица. Како да успеете во тоа?
Елена (31), сопственик на приватна компанија, ве советува:
Манипулација со вработените
Влегува разлутената вработена кај вас затоа што овој месец и скративте 15 проценти од платата за сметка на намалениот тираж на списанието или едноставно за малиот промет во продавницата. Таа знае дека совршено го сработила својот дел од работата или дека била и повеќе од љубезна кон клиентите.
Вие, иако знаете дека причината за оваа лоша состојба во компанијата е лошата хартија која ја применивте за печатење месецов или зимскиот студ и отежнатото движење на луѓето (во случајот со продавницата), ниту се правдате, ниту отворено извинувате. На дискусијата веднаш и задавате една нова насока: Кажете еден цел реферат за промените во начинот на работа кои таа треба да ги примени, но од почеток до крај секогаш смирено и со умрен тон кој лесно ќе ја убеди.
Есенцијално е да сте добро информирани и снаодливи во непредвидливи ситуации, така кога таа ќе ви спомене нешто вие наеднаш се расфрлате со статистики, светски принципи на работа, долгорочни цели, кои иако невозможни неа и ги сервирате како задолжителни.
По завршувањето на овој разговор виновникот кој ќе излезе од таа канцеларија нема да бидете вие затоа што сте и ја скратиле платата неправедно, туку таа затоа што не ги извршувала добро своите работни обврски, што се разбира е знак прашање.
Но многу важно во користењето на овој принцип на манипулација со вработените е да ја земете предвид нивната интелигенција, количината на можен акумулиран бес и нејзиниот карактер, односно да откриете како вработената работи најуспешно, дали по принцип на пофалби или критики.
NotForMen препорака: Како кариерата може да ве „убие“?
Мали награди и залажувања
Знаете дека во компанијата има претрупано работа и следниот викенд иако е неработен вашата вработена треба да се појави на работа со полно работно време. Како да подготвите терен за тоа?
Знаете дека овој вторник е роденден на нејзината ќеркичка, па така токму тој ден викнете ја во канцеларијата и пуштете ја 3 часа порано од работа за да ги направи финалните подготовки. Таа ќе биде воодушевена, па така следната седмица кога ќе ја известите дека мора да работи за викенд нема да може гласно да се бунтува бидејќи се уште ќе ја држи чувството на благодарност и разбирање од денот на роденденот на ќерка и.
Нормално исполнетите ветувања кон вработените и признавањето на заслугите се задолжителни.
Дали сметате дека Елена е успешна шефица? Како вие би ја одиграле оваа ролја? Погледнете го филмот Horrible Bosses (2011) и одлично ќе се забавувате.
-
Разголете се емотивно, милувајте се и гледајте се во очи за да ви се спојат и душите. ... -
Можеби е вашиот партнер, можеби е пријателката, можеби е колешката од работа... ... -
Често перфекционистите се несреќни, но уште почесто токму тие се оние најуспешните. ...
.gif)
