NotForMen

Нормално, љубов. Летото не е лето без љубов. Бакнување на плажа додека сонцето заоѓа. Милување додека го нанесуваме млекото за сончање. И, секако, малку водени лудории - секс во вода.

Додека читавте сигурно пред очи си ја замисливте целата слика, а во неа вие со својот партнер. Но, застанете малку. Размислете навреме за да не ја прекинете магијата на дело. Еве ги најчестите погрешни верувања за сексот во вода кои ќе ви помогнат како да постапите.

МИТ: Ако сакате да се заштитите од бременост, имајте секс во базен!

ФАКТ: Да се разбереме! Никогаш водата не служела како контрацепција. Мисијата на сперматозоидот е да дојде до јајце-клетката. Ако тој влезе, не постои нешто што може да го извади. Затоа не залажувајте се дека можете да уживате и тој да ејакулира во вас, само поради тоа што сте во вода, а не на суво.

МИТ: Топлата вода во бањата или во џакузито е доволна за да се уништат сперматозоидите.

ФАКТ: Сигурно дека нема да имате секс во вода на температура од 100 степени. Седењето во топлата вода околу триесетина минути, може да влијае на квалитетот и на количеството сперма. Но, сетете се дека само еден сперматозоид е доволен за да заврши работа.

МИТ: Сексот во вода е одличен за заштита од сексуално преносливите болести.

ФАКТ: Употребувајте кондом или контрацепција без разлика каде сте решиле да имате секс. Како што не спречува сперматозоиди, така водата не спречува и бактерии и вируси да се разменат за време на сексуалната интеракција. Ако некој е ХИВ-позитивен, и тоа како ќе ве зарази во вода. Дури постојат одредени докази што потврдуваат дека жената полесно добива вагинални инфекции за време на водениот секс.

МИТ: Кондомот е идеално средство за секс во вода!

ФАКТ: Кондомот е одлично средство како за заштита од несакана бременост, така и за заштита од сексуално преносливи болести. Но, постои еден исклучок. Не велиме дека не заштитува, но постои ризик ако се потпрете на него за време на сексот во вода. Размислете дека може многу лесно да се слизне од пенисот. Од друга страна постојат кондоми чувствителни на вода и хлор, при што може да дојде до нивно распаѓање или кинење.

МИТ: Нормално дека ќе забремените ако влезете во вода со сперматозоиди!

ФАКТ: Постои голема разлика партнерот да ејакулира во вас за време на сексот во вода, и тоа да го стори настрана додека вие сте во вода. Сперматозоидите немаат толку голема сила да го препливаат базенот и да дојдат до вас. Од друга страна, не се програмирани за да знаат на која врата треба да влезат. И што е најважно, вашата вагина не е отворена додека вие сте во базенот или во топлата бања.

• 
  Стандардните секс пози, повозбудливи од било кога!
  Колку повеќе движења пробувате во спалната, толку е поголема можноста да доживеете оргазам. ...
• 
  „Отидов до продавница и ме киднапираше секс банда“
  Katrina Moore од Crumpsall, Manchester беше киднапирана од пред нејзиниот дом  и силувана. ...
• 
  И со мал пенис до големо задоволство!
  Посветете се на долга предигра и погодување на вистинскиот агол со овие 6 секс пози. ...