NotForMen

Главната смисла на сексуалниот чин е оргазмот. Штом го нема, се чувствуваме фрустрирани, партнерот чувствува вина и ако тоа зачести, следуваат караниците. Но, кога оргазмот не е главната цел на сексот? Сте слушнале ли за тантра-секс?

Суштината на тантра-сексот е да се одложи чинот на задоволството. Самото одлагање на главниот момент создава тензија, расте сексуалната страст, се зголемува напливот на крв во мозокот. Никогаш толку многу не сте го посакувале партнерот.

Ако веднаш преминете на главното, ќе ги пропуштите сите емоции и сета сексуална енергија што ги дава предиграта. Всушност и квалитетот на оргазмот зависи од добрата предигра.

Тантра-сексот е комбинација на медитација и јога. Партнерите се поврзуваат на уникатен и длабок начин. Ова е само вовед и за почеток ќе предложиме четири трика за почетниците.

Создадете интимна атмосфера.

Во тантра-сексот не е важно каде било да имате секс и само да го задоволите нагонот. Мора да обрнете внимание на најситните детали. За правилен тантра-секс важна улога има просторот. Постелете мека и миризлива постела, запалете свеќи, расфрлете неколку перничиња и листови од роза. Главен момент е музиката. Симнете од интернет музика за јога и релаксација. Пријатните звуци ќе ве релаксираат, и двајцата ќе имате чувство дека сте на друга планета.

Разменувајте воздишки.

Разменувањето воздишки е првата вежба во тантра-сексот. Значи, ќе застанете еден пред друг, ќе земете воздух и преку устата ќе му го предадете на партнерот. Истото и тој треба да го стори. Се верувало дека на овој начин партнерите вистински се запознаваат. Не само надворешно, туку го слушаат ритамот на душата.

Гледајте се в очи.

Иако мислите дека е едноставно, обидете се и видите дека очите сами ќе ви се затвораат. Вистинско интимно поврзување настанува со погледот. Една ваква сесија и ќе видите колку ќе го чувствувате партнерот поблизок. Очите никогаш не лажат, можеби и затоа замижуваме кога нешто не е ОК. Значи, ќе почнете да се допирате еден со друг и цело време ќе се гледате в очи. Колку помалку се срамите од гримасите што ќе ги правите под дејство на допирите, толку повеќе се поврзувате со него.

Одете полека.

Иако можеби ќе паднете во искушение да преминете на главното, воздржувајте се. Верувајте дека доживувањето ќе биде поголемо. Полека бакнувајте се, галете го по секој дел на телото, испитајте ги и деловите на кои никогаш порано не сте им обрнале внимание. Дозволете и тој да го направи истото. Треба да завршите кога буквално ќе ве бакне од глава до петици.

• 
  Стандардните секс пози, повозбудливи од било кога!
  Колку повеќе движења пробувате во спалната, толку е поголема можноста да доживеете оргазам. ...
• 
  „Отидов до продавница и ме киднапираше секс банда“
  Katrina Moore од Crumpsall, Manchester беше киднапирана од пред нејзиниот дом  и силувана. ...
• 
  И со мал пенис до големо задоволство!
  Посветете се на долга предигра и погодување на вистинскиот агол со овие 6 секс пози. ...