Со помош на техниката ќе успеете да го запознаете партнерот преку сите сетила, а не само преку ерогените зони.
Sensate Focus во слободен македонски превод би значело Терапија концентрирана на чувствата (осетот). Станува збор за серија вежби што се практикуваат во пар со цел да им помогнат на партнерите да го вратат изгубениот интерес еден за друг или за да победат сексуалната монотонија.
За секоја вежба постојат конкретни инструкции, а слободно може да ги применуваат и паровите што работат на своето зближување. Зад нивното создавање стојат две имиња, Masteres и Johnson...вежбањето се одвива во неколку фази:
SENSATE FOCUS - ПРВА ФАЗА
Првата фаза е наменета за меѓусебно допирање. Во оваа фаза најважно е правилно да ја креирате атмосферата. Заклучете ја вратата, погрижете се никој да не ви смета, исклучете ги мобилните телефони, соблечете се голи и затоплете ја собата за да не ви пристуди. Оставете го светлото бидејќи ќе треба да го разгледувате телото на партнерот и заборавете на музиката, постапката се изведува во мир и тишина (освен кога ќе сакате да се пожалите дека не ви се допаѓа тоа што го прави).
Партнерот нека легне, а вие почнете да го истражувате неговото тело. Градите и гениталиите се забранети. Трикот не е да го запалите туку да обрнете внимание на текстурата на кожата, топлината на телото и изгледот. Допирот нека биде нежен, немојте да го масирате и заборавете на тоа да ги погодите неговите точки...допирајте по ваша желба. (Постапката направете ја наизменично, два пати, еднаш легнати на стомак, вториот пат на грб).
На крајот не е потребна анализа, легнете еден до друг, молчете и размислувајте за неговиот допир и како се чувствувате додека ве допираше.
SENSATE FOCUS - ВТОРА ФАЗА
Во следните фази ништо не менувате, само ја продолжувате започнатата игра. Конкретно во втората фаза ги вклучуваме гениталиите. Повторно целта не е преку допирот да го задоволите неговиот апетит, туку подлабоко да се запознаете со неговите атрибути. Разгледувајте го пенисот, истражувајте ја кожата, загледајте се во бојата на неговите брадавици. Во оваа фаза е дозволено партнерот да ја стави неговата рака врз вашата и да ве води. Но, не давајте му целосна контрола.
SENSATE FOCUS - ТРЕТА ФАЗА
Од наизменични допири стасавме до меѓусебно допирање. Седнете еден пред друг и почнете да се допирате, ќе доживеете едно навистина природно искуство, без да падне секс. Колку и да сте возбудени, воздржете се да не го нападнете. Фазата расцепкајте ја на што повеќе делови...седнете му во скут и почнете да се допирате со гениталиите. Обрнете внимание на секое чувство поединечно: ритамот на вашето срце, ритамот на неговото срце, телесната топлина, топлината помеѓу нозете, чувството во стомакот, клиторисот што гори.... Дозволете со главата од пенисот да влезе само на почетокот на вагината...сега истражувајте го овој момент...се додека вистински не влезе во вас и не почне сексот (тогаш веќе нема време за мислење, двајцата сте се предале).
Кај било која фаза од Sensate Focus вежбите, доколку еден од вас се концентрира на оргазмот (што не е чудно) наместо на чувствата, морате да ја повторите фазата од почеток.
ЗОШТО ВРЕДИ ДА ЈА ПРОБАТЕ ОВАА ТЕХНИКА?
Како што и претходно спомнавме, Sensate Focus вежбите не се наменети само за луѓето со сексуални проблеми. Во сексот вниманието секогаш паѓа врз оргазмот, ретко кој води сметка за останатите чувства. Со помош на техниката ќе успеете да го запознаете партнерот преку сите сетила, а не само преку ерогените зони. Да не зборуваме колку ќе ви се зголеми самодовербата и ќе ви се намали комплексот за телесните маани.
