Од првиот пат зависи дали ќе има втор!
Сексот со нов партнер може да биде незгоден. Сексот претставува нова интима и ранливост на врската. Во големи мери сексот ја менува врската. Првиот пат со него, дајте му мал преглед од тоа што понатаму следи. Погледнете што не треба да правите ако сакате првиот секс со него да не биде и последен.
СЕ ЗАМИСЛИВТЕ ДЕКА СТЕ ПОРНО АКТЕРКА
Очигледно е дека сакате да го импресионирате, но треба и да оставите неколку работи на неговата имагинација. Кога прв пат имате секс, не треба веднаш да го запознаете со вашите палави фетиши, порно ситуации, бизарна долна облека или пак да го допирате на места на кои можеби тој претходно не бил допрен. Со време можете да го запознаете со овие фетиши, но сега правете бебешки чекори. Фокусирајте се прво на техниката и запознајте се меѓу себе. Откријте што ви годи во кревет, а што не.
НЕ КОРИСТИТЕ ЗАШТИТA
Првиот пат кога спиете со некој маж веројатно знаете многу малку за него и неговите сексуални навики. Секогаш е грешка да спиете со некој за прв пат без употреба на презерватив. Ако врската ви напредува, ако навистина му верувате и мислите дека вреди, тогаш може заедно да одлучите какви методи на заштита ќе примените. Но, првиот пат СЕКОГАШ користете презерватив, дури иако употребувате контрацепција.
СЕ ПРАВИТЕ СРАМЕЖЛИВА УТРОТО ПО СЕКС
Нема ништо страшно во тоа да имате секс со некој што малку го познавате и нема зошто да се чувствувате засрамено. Секако дека утрото по секс може да се чувствувате незгодно, но пробајте да одглумите дека имате самодоверба. Не плашете се да го бакнете, гушнете, да кажете некоја шега....Не давајте му причина да помисли дека ситуацијата е помалку чудна.
БЕВТЕ НАПАДНА
Првиот пат кога имате секс со маж, може да почувствувате измешани емоции. Немојте да станете нападна и да почнете да го гушите. Ако сте кај него дома поминете некое време заедно, но не останувајте цело попладне особено ако делува дека тој се обидува да продолжи по својот распоред. Откако ќе поминете некое време заедно, станете од кревет и кажете му дека си поминавте супер. Одејќи си сама, ќе покажете дека имате и други приоритети во животот покрај него и дека тие приоритети не се смениле само затоа што сте имале секс.
ПАНИЧИТЕ БИДЕЈЌИ НЕ ВИ СЕ ЈАВИ НАРЕДНИОТ ДЕН
Повеќето мажи чекаат да поминат два до три дена пред да и се јават на некоја девојка. Ова го прават зошто не сакаат да изгледаат очајно, а не дека не му се допаѓате. Важно е само да останете смирени. Ако поминат недела или две, а тој се уште не ви се јавил слободно паничете. Ако не ви даде некое добро објаснување тогаш едноставно заборавете го.
